Регион
„Ти го развиваше талентот на сопственото дете да убива“ – адвокатот на семејствата на жртвите за судењето на Кецмановиќ
Стефан Чорда, адвокатот на семејствата чиишто деца беа убиени во ОУ „Владислав Рибникар“ истакна дека не може да ги изнесе деталите за случајот од рочиштето на семејството Кечмановиќ, но оти сега првпат родителите го слушнале таткото Владимир како ја дава својата одбрана.
Адвокатот изјави дека од она што досега е познато од судењето на родителите на момчето убиец, укажува дека имаат целосно неразбирање на целиот случај.
Стефан Чорда наведува дека неговиот впечаток е дека негирањето на вината на Кечмановиќ е доказ за целосно неразбирање на случајот.
„Не смеам да ви ги дадам деталите за одбраната на Кецмановиќ, но ваквите работи што се изнесуваат се целосно неразбирање! Децата од 7 до 14 години се одговорни во однос на штетата за која се зборува, доколку се докаже дека се способни за расудување“ нагласува Чорда, пишува „Блиц.рс“.
Тој рече дека додека детето не стане полнолетно, за него се одговорни родителите.
Огњен Божовиќ, застапникот на родителите на оштетените на жртвите, по последното судење истакна дека однесувањето на Владимир Кечмановиќ останало непроменето од 3 мај. Тој се’ уште не ја прифаќа одговорноста за овој тажен случај, па дури и одбил да одговори на прашањата на адвокатот. Чорда наведува дека родителите на убиените деца се видно вознемирени.
„Родителите за прв пат сега го слушнаа Владимир Кецмановиќ како ја дава својата одбрана. Не можеле ни да го видат за време на истрагата. Сега го слушнаа, а тој остана на она што го кажа и додаде уште некои работи. Обвинетиот може да се брани и со лаги, а секако тие родители кога ќе слушнат повторно ќе бидат погодени. Јас лично се восхитував на силата на родителите на убиените деца кога го испрашуваа малолетниот убиец“, вели адвокатот Чорда.
Тој посочува дека тоа што сега се случува не е чудно, а дека сега ќе следи распит на мајката.
„ Ќе видиме и што според мене е круната на тие факти, дали малолетниот убиец ќе го искористи своето право на привилегиран сведок и дали ќе сведочи на суд или не. Тој е особено чувствителен сведок, ако го искористи своето право да не сведочи против татко му и мајка му, по закон може да го искористи и за другите обвинети. Ќе видиме што ќе добиеме на крајот од таа серија, таткото, мајката и тој“, вели Чорда.
Таткото е обвинет дека го однел детето да пука со огнено оружје, што не било соодветно за неговата возраст.
„Без разлика што се зборува сега дека бил талент… Па чекај, ти го развиваш кај своето дете талентот да биде убиец! Бев исклучително погоден од она што го кажа таткото. Може да се направи паралела каде имавме родители на 1-ви и 2-ри мај кои играле „Не се лути човече“ со нивните деца и ги подготвувале за скијање, а тој го однел синот да пука!“, вели Чорда.
Судот ќе го оценува и однесувањето на Кечмановиќ во судницата, што ќе влијае и на конечниот исход од процесот.
„Се следи однесувањето на обвинетиот пред судот. Тоа е еден факт што влијае дали ќе има олеснителна казна“, објаснува Чорда за „Прва ТВ“.
Како што објасни адвокатот, родителите на момчето убиец од ОУ „Владислав Рибникар“ не можат да одговараат за убиство од небрежност, како што беше случајот во Америка, бидејќи тука нема обвинет за убиство.
„Мајката и таткото не се директни извршители на делото. Убиецот во овој случај е некој кој не е одговорен. Ако тој е кривично одговорен, тогаш според нашиот закон може да се зборува за соучесништво, соизвршување итн. Меѓутоа, бидејќи нема обвинет за убиство, тие не можат да одговараат за убиство од небрежност“, објаснува Чорда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Тешка сообраќајка во Грција: бебе меѓу загинатите
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.