Регион
Трагедија што БиХ и Хрватска не ја забораваат: осум млади луѓе ги загубија животите на новогодишната прослава
![](https://makfax.com.mk/wp-content/uploads/2024/01/тѕѕ.jpg)
1 јануари 2021 година засекогаш ќе остане во срцата на жителите на Посушје како ден на тага. На тој ден осум млади лица загинаа како последица од труење со јаглероден моноксид во викендичка во Трибистово.
Четири девојчиња и четири момчиња се отруле со јаглероден моноксид првиот ден од 2021 година во викендичка во Трибистово, општина Посушје. Таа страшна трагедија ги обви во темнина Босна и Херцеговина и Хрватска. Животот го загубија осум млади лица, односно 19-годишните Мирела Резо, Стјепан Јукиќ, Иван Миличевиќ, Стипе Ромиќ, Жана Павковиќ, Миа Солдо, Стипе Павковиќ и Марија Павковиќ.
Со нив во викендичката, која ја изнајмиле за новогодишната прослава, бил и уште еден млад човек, кој единствено го преживеал тој судбоносен пречек бидејќи наутро морал да оди на работа, па не останал да спие. Според полицискиот извештај, тој заминал во 3.30 часот, а другите планирале да преноќат во викендичката за да си одат дома одморени наутро. Повторно не се разбудија.
На пријателите и родителите им било сомнително што никој не им се јавил утрото по новогодишната прослава. Родителите успеале да стапат во контакт со соседите до викендичката, а еден од нив скршил прозорец за да влезе во куќата. Но, кога ја отворил вратата, видел страшна глетка. Осум млади луѓе, од кои повеќето ги познавал, седеа неподвижни на каучот или на подот. Тој повикал полиција и брза помош, која, кога пристигнала на местото на несреќата, можела само да констатира смрт.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.