Регион
Француската амбасадорка во Бугарија: Предлогот е ист со првичниот што беше изгласан во бугарскиот парламент

Предлогот на Франција доставен до Бугарија и Македонија за решавање на спорот е идентичен со првичниот што беше изгласан во бугарскиот парламент, изјави француската амбасадорка во Бугарија, Флоренс Робин, пренесе „Бгнес“.
„Предлогот не се разликува од првиот и целосно ги штити правата на малцинствата во заедницата, вклучително и Бугарите. Документот е идентичен со првиот, веќе изгласан во бугарскиот парламент, и не треба ново разгледување во нашата земја“, изјави Робин за „Евроњуз“ и нагласи дека „Париз не изврши притисок врз Бугарија за спорот“.
„Документот се одржува во духот на претходниот договор, кој бугарскиот парламент веќе го изгласа и нема потреба повторно да се разгледува. Ова е компромисен предлог. Не го ревидира, туку го рафинира претходниот документ. Воспоставивме рамка за добрососедство во односите меѓу двете земји и тоа ја потврдува посветеноста на Северна Македонија во заштитата на правата на малцинствата во заедницата“, рече Флоренс Робин.
Амбасадорката Робин се прашува зошто Скопје тврди дека таканаречената втора верзија на францускиот предлог е подобра од првата. Таа беше категорична дека токму ЕУ ќе биде гарант за исполнување на условите од страна на нашиот југозападен сосед.
„Како ЕУ ќе го гарантира ова? Преговорите не се почнати. Советот на ЕУ годишно го оценува напредокот на Северна Македонија. Програмата за напредок ќе ја оценува секоја земја членка. Ние ќе гарантираме“, додаде таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Пожар во Хвар, едно лице загина

Околу 12:45 часот избувнал пожар во густа борова шума помеѓу населбите Врбањ и Дол на Хвар. На терен излегле пожарникари од доброволното противпожарно друштво Јелса, Стари Град и Хвар.
Како што јави Далмација Данас, маж загинал во пожар додека се обидувал да спаси имот од пожарот.
– На местото на настанот ќе се врши увид за да се утврдат сите факти и околности на настанот – потврди за Далмација Данас Јерко Куревија од ПУ на Сплит-Далмација.
Според неофицијални информации, загинал маж кој се обидел да го спаси багерот од пожарот, но потоа се случила трагедија, пишува Индекс.хр.
Во 13 часот и 40 минути во близина на Застражишче избувнал пожар, а пожарникарите побарале помош од тројца Канаѓани кои пред неколку моменти пристигнале на терен и учествуваат во гаснењето.
Регион
Косово ја прогласи за персона нон грата руската новинарка Дарија Асламова

Руската новинарка Дарија Асламова е прогласена за „персона нон грата“ на Косово, објави министерот за внатрешни работи на Косово, Џељаљ Свечља.
Во соопштението се наведува дека и е забранет влез во Косово во траење од пет години.
„ Секој кој со одредени цели или директиви ќе ја прекрши или ќе се обиде да ја дестабилизира нашата земја, без сомнение ќе се соочи со силата на законите на Република Косово“, напиша Свечља.
Асламова вчера беше уапсена на северот на Косово, при влез од Србија.
Регион
Првите проблеми во истрагата: Уништен е тахнографот и не може да се прочита брзината на возење на полскиот автобус

Уништен е тахографот на полскиот автобус, кој вчера излета од автоптот А4 кај Загреб при што загинаа 12 лица, објави „Јутарњи лист“. Поради тоа не е можно да се извлечат податоците од него.
„ Тоа значи дека нема да може да се утврди со која брзина возел автобусот во моментот на несреќата, иако таа треба да биде 100 км/ч. Меѓутоа, во тахографот имало две дигитални возачки картички (возачка и совозачка), што покажува дека полскиот превозник правилно ангажирал двајца возачи за толку долго патување. Според податоците од картичките, двајцата возачи до моментот на сообраќајната незгода немале сторени прекршоци во однос на работните активности, а по одреден број часови возење правилно се менувале“, изјави машинскиот инженер Зоран Калауз.
Професионалните возачи имаат цела низа правила кои пропишуваат кога можат да започнат со работа или да возат, колку долго можат да работат или да возат континуирано, колку долго можат да работат или возат во една смена, во една седмица итн. Им се пропишуваат задолжителни паузи по одреден број часови возење, пропишани се часови минимален дневен одмор како и часови минимален неделен одмор што секој возач мора да ги има во рок од една календарска недела.
Одредени правила се разликуваат во зависност од тоа дали возачот е сам во возилото или дали во возилото се двајца возачи. Има речиси триесет правила и разни исклучоци од правилата кои секој професионален возач мора добро да ги знае за да не направи прекршок на пат.
Тахографот ги евидентира сите активности и дали возачот ги почитува правилата што важат во ЕУ, но, за жал, вообичаени се и манипулациите со тахографот.