Регион
Шолц: Преговорите меѓу Србија и Косово не пропаднаа, двете страни изразија подготвеност за спроведување на договорот
![](https://makfax.com.mk/wp-content/uploads/2023/10/sholc1.jpg)
Германскиот канцелар Олаф Шолц денеска по завршувањето на Самитот на Европската унија изјави дека неговиот впечаток е оти преговорите со Косово и Србија во Брисел не пропаднале, бидејќи двете страни изразиле подготвеност за спроведување на договорот.
Шолц на прес-конференцијата истакна дека и косовскиот премиер Албин Курти и српскиот претседател Александар Вучиќ рекле дека договорите ќе бидат спроведени, пренесува Косово онлајн.
„Во оваа навистина мрачна ситуација, можевме да напредуваме. Не ја споделувам вашата оценка дека преговорите пропаднале. Ако направиме политичка проценка, верувам дека можете да се согласите со мене“, рече Шолц.
„Сега имаме изјава од Курти и Вучиќ дека ќе ги спроведат мерките од документите што ги подготвивме – Основниот договор, Охридскиот договор и сега концептот на конкретниот нацрт за формирање на ЗСО. Тоа беше јасно кажано и тоа е вистинскиот чекор“, одговори Шолц на изјавата на новинарот дека преговорите пропаднале.
„Ова не е прашање каде на крајот може да се зборува за тоа кој има најмногу поени, туку се работи за создавање мирна иднина за граѓаните на Косово и Србија“, рече Шолц, додавајќи дека и Косово и Србија сакаат да се приклучат на ЕУ, а и Унијата сака да го оствари тоа.
Шолц истакна дека за ова е неопходно Косово и Србија да станат најдобри соседи, што може да успее само ако лидерите тоа си го постават како приоритет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Регион
Едно лице загина во експлозија во магацин за огномет во Бугарија, ќерка му е со 85 отсто изгореници
![](https://makfax.com.mk/wp-content/uploads/2024/07/3-13.jpg)
Едно лице загина во експлозија во магацин за огномет во близина на бугарскиот град Елин Пелин, недалеку од Софија, изјави денеска бугарскиот министер за внатрешни работи, Калин Стојанов.
Мажот (49), кој почина во експлозијата, добил тешки изгореници и синоќа бил хоспитализиран, а неговата 20-годишна ќерка, која исто така е во болница со 85 отсто изгореници, сѐ уште е во критична состојба, пренесува порталот „Новините“.
Стојанов рече дека во магацинот во кој се случила експлозијата може да има уште две лица, меѓу кои и 22-годишниот син на сопственикот на магацинот.
Регион
Дете починало 7 дена по операција на крајници во Хрватска
![](https://makfax.com.mk/wp-content/uploads/2024/07/23.jpg)
Седумгодишно дете почина вчера, една недела по операцијата на крајници, која беше извршена во Клиничката болница „Свети дух“ во Хрватска.
Седум дена по извршената операција на Клиниката за оториноларингологија и хирургија на глава и врат и шест дена по отпуштањето од болница, детето во раните утрински часови било донесено утрово без витални знаци.
Веста за смртта на детето во рок од 24 часа ја потврди директорот на болницата, д-р Игор Алфиревиќ.
„За жал, точна е информацијата дека во четвртокот, 25 јули 2024 година, по реанимација во Обединетата итна болница на Клиничката болница „Свети дух“ почина седумгодишно дете“, рече тој.
Во тек е истрага, а телото на детето е испратено на обдукција.