Регион
„Амнести интернешнл“: Злоупотреба на мигрантите на балканскиот пат
Европските влади се соучесници во систематскo, незаконскo и често насилнo одбивање и колективно протерување илјадници лица што бараат азил во мизерните и несигурни бегалски кампови во Босна и Херцеговина, се вели во извештајот на „Амнести интернешнл“.
Извештајот се фокусира на прекршувањата на човековите права против бегалците и мигрантите по должината на Западен Балкан фокусирајќи се на Босна и Херцеговина, Хрватска и на Словенија. Во него се потенцира дека широко се распространети присилни и колективни протерувања – честопати придружени со насилство – и рутински негирања на пристапи кои се редовна појава на границата помеѓу Босна и Херцеговина и Хрватска. Тие исто така се дел од системската и намерна политика на хрватските власти да ги обесхрабрат идните обиди за премин на границата и да покажат дека Хрватска може ефикасно да ја заштити надворешната граница на ЕУ. Сличен тренд на судири и колективни протерувања е документиран на словенечката и на италијанската граница.
„Турнати до работ: Насилството и злоупотребата на бегалците и мигрантите по должината на балканската рута“, е насловот на извештајот во кој се опишува во детали како, ставајќи ги во прв план безбедноста на границите и неусогласноста со меѓународните закони, европските влади не само што ја вртат главата од нападите на хрватската полицијата туку и ги финансираат нивните активности. На овој начин ја поттикнуваат растечката хуманитарна криза на работ на Европската Унија. Наодите во извештајот се донесени врз основа на истражувањето на „Амнести интернешнл“, која интервјуирала 94 бегалци, мигранти и баратели на азил, вклучувајќи и 81 маж и 13 жени сместени во камповите во Босна и Херцеговина. Сите деведесет и четири испитаници, кои биле во камповите во Бихаќ и Велика Кладуша, биле вратени барем еднаш од Хрватска и Словенија во Босна и Херцеговина.
Во извештајот се вклучени и претставници на невладини организации, активисти и волонтери, како и официјални власти од Босна и Херцеговина и Словенија, но и претставници на меѓународни организации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.
Регион
Лекари во Загреб вградиле мозочен стимулатор на маж со Паркинсонова болест : „Може да вози велосипед, да плива“
Уште еден голем успех на хрватските лекари. Тим хирурзи во болницата Дубрава прв во овој дел од Европа вгради мозочен стимулатор. Пред еден месец новата технологија ја примил загрепчанец кој поради Паркинсоновата болест речиси станал неподвижен.
„Поентата на таа електрода е што стимулира дел од мозокот и на тој начин ја подобруваме клиничката слика, а батеријата освен што стимулира, купува и информации од тој дел од мозокот што го стимулираме и на тој начин можеме да ги подобриме симптомите“, изјави неврохирургот Фади Алмахарик за RTL.
Во КБ Дубрава изминативе 24 години се врши длабока мозочна стимулација, но првиот пациент беше опериран со оваа најнова технологија на крајот на март. Станува збор за 67-годишен загрепчанец со Паркинсонова болест, кој сега е пуштен на домашно закрепнување.
„Во договор со неврологот, стимулацијата се вклучува, терапијата се намалува, пациентот веднаш по вклучувањето на стимулацијата покажува знаци на моторно подобрување. Беше отпуштен дома на физикална терапија и дополнително прилагодување на стимулацијата“, изјави неврохирургот Марина Рагуж.
Веднаш штом ги отстранивме шевовите по 10 дена, почнавме со стимулација и денес пациентот може да вози велосипед, да плива, да се врати на своето секојдневие“, вели хирургот.
Регион
Додик не го признава геноцидот во Сребреница: „Ќе однесеме цвеќе, ако не навредува никого“
Во четвртокот, лидерот на Србија во Босна и Херцеговина, Милорад Додик, изрази подготвеност да го посети Меморијалниот центар Поточари во Сребреница и да положи цвеќе на заедничкиот споменик подигнат во спомен на масакрот на Бошњаците за време на војната, но тој повторно негираше дека таму имало геноцид.
Во интервју за новинската агенција на Република Српска, претседателот Додик најави дека владата и целото раководство на овој ентитет ќе заседаваат во Сребреница на 2 мај 2024 година, кога ќе се одржи дискусија пред Обединетите нации и се очекува гласање за Резолуција за осуда на геноцидот во тој град во летото 1995 година.
Резолуцијата е поддржана од дваесет земји, меѓу кои САД, Обединетото Кралство и Германија и се очекува нејзино усвојување. Целта е да се интернационализираат страдањата на Бошњаците во Сребреница.
Водечките српски претставници од Белград и Бања Лука, претседателите Александар Вучиќ и Милорад Додик, тврдат дека ова е обид да се префрли вината на српскиот народ.
„Република Српска нема да ја прифати резолуцијата за Сребреница за која ќе се одлучува во Генералното собрание на ОН бидејќи се што е напишано во неа е лага. Босна и Херцеговина не може да живее врз основа на тоа дека едната нација во неа е оквалификувана како геноцидна“, рече Додик.
Сепак, тој изрази подготвеност да им оддаде почит на жртвите од масакрот во Сребреница.
„Ако ни се укаже можност, на 2 мај ќе однесеме венци во Поточари, ако тоа не навреди никого. Не се плашам дека би можел да завршам како Вучиќ, кој дојде да им оддаде почит на жртвите, изрази сочувство, а доби камен во главата и никој не одговараше за тоа“, истакна Додик.
Тој смета дека Резолуцијата за Сребреница сепак нема да го добие потребното мнозинство на седницата на Генералното собрание на ОН.