Регион
Апсења во Хрватска: осомничени за измама со средства од фондови на ЕУ

Неколку лица се уапсени рано утринава во областа Риека и Меѓумурје. Тие се осомничени за измама со средства од Европската унија, јавува загрепски „Јутарњи лист“ повикувајќи се на неофицијални информации.
Од таму велат дека во тек се претреси во просториите, а според засега достапните информации, акцијата се спроведува по налог на Европското јавно обвинителство (ЕПО).
Во истрагата наводно биле опфатени и лица од градската управа на Риека, меѓу кои и поранешен шеф на надлежната градска управа. Покрај нив, истражителите таргетирале уште најмалку две лица поврзани со компанијата „Меѓумурје“, која изведувала работи на проект поврзан со депонирање отпад.
Станува збор за проект што бил кофинансиран со повеќе од 30 милиони куни грантови од фондовите на ЕУ. Според неофицијални информации, пишува „Јутарњи“, истражителите на ЕЈО се сомневаат дека имало незаконски отстапки при тендерот за таа работа, како и дека целиот проект на крајот бил неоправдано преплатен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Бескрајни колони од луѓе доаѓаат од сите страни кон Собранието на Србија

Илјадници граѓани кои денеска се собраа на четири локации во Белград, пристигнуваат во центарот на градот, каде за 16 часот имаат закажано протест пред Народното Собрание. Сообраќајот е во прекин околу Народното собрание на Србија и Славија, како и на другите улици во центарот на градот, околу Автокоманда.
Sajam, Mostar, Savska… Sve puno! Ne vidi se ni početak ni kraj! pic.twitter.com/DQSy2N7GNA
— Stranka slobode i pravde (@SlobodaIPravda) March 15, 2025
Зградите на српскиот парламент и на белградското собрание се опколени со метална ограда, а околу нив се распоредени силни полициски сили. Пред Собранието има моторџии, а од другата страна на плоштадот Никола Пашиќ има трактори кои го опкружуваат кампот на ученици кои сакаат да посетуваат настава и кои се во шатори во Паркот на Пионерите.
Регион
Протестот во Белград сепак ќе биде пред Собранието

Студентите во блокада одлучија денешниот протест сепак да се одржи пред Собранието, но бина ќе биде поставена и кај Славија.
Студентите на Електротехничкиот факултет во Белград кои се во блокада претходно најавија дека локацијата на протестот се менува и дека ќе се премести од пред зградата на Народното собрание на плоштадот Славија.
„Оваа одлука е донесена за да се спречи можно насилство и да се обезбеди безбедност на сите учесници во нашиот протест, како и на студентите кои кампуваат во Паркот на Пионерите. Ги покануваме сите да ни се придружат во Славија за заедно да испратиме силна порака на величенствен начин дека нема да се откажеме додека не се исполнат нашите барања“, објавија студентите на Инстаграм.
Објавата на Инстаграм набрзо беше избришана.
Регион
За да се спречи насилство, студентите ја сменија локацијата на протестот во Белград

Студентите на Електротехничкиот факултет во Белград кои се во блокада утринава најавија дека локацијата на протестот во 16 часот се менува и дека се сели од пред зградата на Народното собрание – на плоштадот Славија.
„Оваа одлука е донесена за да се спречи можно насилство и да се обезбеди безбедност на сите учесници во нашиот протест, како и на студентите кои кампуваат во Паркот на Пионерите. Ги покануваме сите да ни се придружат во Славија за заедно да испратиме силна порака на величенствен начин дека нема да се откажеме додека не се исполнат нашите барања“, објавија студентите на Инстаграм.