Регион
Бебе најдено во канта за ѓубре во Грција, уапсена една жена

Грчката полиција уапси 23-годишна жена кога во градот Каламата беше пронајдено бебе во канта за отпадоци, пренесуваат грчките медиуми.
Бебето, кое било на возраст од неколку дена, вчера случајно било најдено од жител на тоа место, кој го слушнал бебето како плаче. Како што се наведува, ако жената не го забележала бебето, сега ќе било мртво бидејќи нема да преживеело со оглед дека набргу требало да дојде камион што го зема и го пренесува ѓубрето од кантите.
„Бебето имало среќа во несреќа. Тој ден доцнел камионот за собирање на ѓубрето“, рекол градоначалникот на Каламата, Танасис Василопулос.
Жената што го пронашла бебето рекла дека малечкото се наоѓало во хартиена кеса. Кога го слушнала плачењето, првин се обратила кај соседите, кои ѝ рекле дека, најверојатно, се работи за мачки. Но, за среќа, жената отишла до кантата за отпадоци за да провери што точно се случувало.
Полицијата го зела бебето и го однела во болница, каде што лекарите рекле дека бебето целосно ќе закрепне. Според информациите, поради обид за убиство, уапсена е наводната мајка на бебето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.