Забава
Богатите Украинци и Руси го окупираа црногорското крајбрежје
Украинците одат во Германија, затоа што добиваат пари и сместување од државата, а богатите доаѓаат кај нас, во Црна Гора, и изнајмуваат или купуваат луксузни апартмани, вили со поглед на море на една година, со што цената на метар квадратен е за 50 проценти зголемена на некои места, изјавиле за медиумите во регионот вработени во агенции за недвижности на црногорското крајбрежје.
Населувањето на богатите Украинци, но и голем број Руси, во изминатите три месеци влијаеше на скокот на цените на недвижностите, но и на начинот на живот и бизнис на локалното население, кое сега се прилагодува на новите соседи и криза во светот.
„Од средината на март, во крајбрежните градови има се повеќе Украинци и Руси. Најголем дел од нив се во Будва, Бар, Котор и Тиват. Драстично скокнаа и цените на квадратите за откуп на станови и куќи. Каде што квадратот беше 1700 сега е околу 2400, а некаде и повеќе. Украинците ретко купуваат недвижен имот, главно изнајмуваат станови и куќи за една година. Кај нас дојдоа тие што имаат пари, оние кои се навикнати да живеат на висока нога. Сега ќе живеат овде покрај морето, на брегот, на свеж воздух, на сонце, цело лето, а веројатно и подолго. Сигурно нема да одат во Цетиње, Никшиќ или Беране, нормално е да дојдат на море. Оние Украинци кои немаа пари, отидоа во Германија. Еден колега што работи таму ми кажа дека Украинците добиваат помош од Германците, од државата 950 евра месечно и им се обезбедува сместување. Познато е дека нашата држава не може да помогне, па тука доаѓаат само оние на кои не им е потребна финансиска помош“, изјавил за Нова.рс Никола Котлаја, управител на агенција за недвижности на црногорското крајбрежје.
Освен Украинците, нагласува тој има и се повеќе Руси.
„Луѓето од Русија доаѓаат во Црна Гора, најмногу преку Србија, а доаѓаат на брегот и бегаат од политичката ситуација во нивната земја, која не им оди во прилог поради бизнисот. Меѓутоа, богатите Руси и Украинци го доведоа во непријатна положба нашето локално население, но и сезонските работници и нашите редовни гости, туристи, кои доаѓаат секое лето. Сега цените толку скокнаа што „обичните смртници“ не можат да си дозволат да платат. Работниците од регионот, кои секоја година доаѓаат на крајбрежјето и работат во сезона, изнајмувале станови за 400 евра, а сега едвај можат да најдат пристојно сместување за 1000 евра. Тоа се ненормални скокови на цените“, изјавил тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.