Регион
Борел обзнани што Косово и Србија прифатиле, што одбиле: Некогаш ѓаволот е во тајмингот
Високиот претставник на Европската Унија (ЕУ) за надворешни работи и безбедносна политика, Жозев Борел, кажа дека има договор помеѓу Белград и Косово. Даде опомена дека исполнувањето на прифатените обврски ќе влијае на пристапувањето кон Европската Унија. Ја потенцираше важноста од тоа Србија и Косово да мора да ги нормализираат односите, додавајќи дека нема друг начин за да го продолжат европскиот пат.
„Знаете дека целта денеска беше како да се имплементира договорот прифатен на последниот состанок на високо ниво помеѓу Косово и Србија, одржан на 27 февруари во Брисел. Тоа значи практични чекори за тоа што треба да се направи, кога да се направи, од кого и како. Често се вели: ‘ѓаволот е во деталите’, но некогаш ѓаволот е во календарот, во распоредот, тајмингот. Ние дискутиравме за тоа 12 часа. И мило ми е што ќе објавам по 12 часа, конечно, ние имаме договор, согласност, за тоа како да се имплементира договорот. Можам да објавам дека Косово и Србија се согласија за имплементација на анексот на договорот за нормализација на односите“, кажа Борел.
Тој додаде: „Како дел од овој анекс на договор, двете страни целосно се обврзаа да се придржуваат на сите членови на договорот и да ги имплементираат сите обврски. И овие резултати доаѓаат по интензивни и тешки преговори. Не сакам да го кријам тоа. Се составуваме во различни формати и констелации, со цел да ги намалиме разликите на двете страни“.
Борел посочи и како ќе се имплементираат некои од поважните отворени прашања за Србија и Косово.
„Косово се согласи веднаш да се оформи соодветно ниво на самоуправување за Заедницата на српски општини“, кажа Борел, па додаде: „Двете страни се договорија да ја потенцираат декларацијата за исчезнати лица, која беше преговарана на дијалогот потпомогнат од ЕУ, која е со високо ниво на важност. Морам да потенцирам дека ние иницијално предложивме поамбициозен анекс на договорот, но за жал двете страни не се договорија за тој детален предлог“.
Се осврна и на тоа што Косово прифатило, а Србија не, како и обратно.
„Ова беше еднострано поддржано, кај косовската страна недостигаше флексибилност. Од друга страна, Србија истакна дека принципиелно нема да потпишува ништо, се додека не се целосно подготвени да го имплементираат. Со цел да ги избегнеме овие последици, ние направивме предлози поврзани со потпишувањето и суштината. Но, двете страни не можеа да изнајдат заедничка согласност за нашите предлози. Верувајте ми, покрај тоа што поамбициозенен текст беше предложен на почетокот, тоа што двете страни го прифатија, значи дека согласноста и имплементацијата ќе стане составен дел кон европскиот пат. Со цел да бидам поконкретен, ќе вклучам амандмани во преговарачкото поглавје, во преговарачката рамка за преговори со ЕУ, како и во агендата за стабилизација на Косово со ЕУ“, додаде тој.
Тој рече дека треба сите да се фокусираат на тоа што е договорено на средбата.
„На овој начин двете страни ќе бидат обврзани за овој договор, кој ќе биде составен дел од европскиот пат. Ние како ЕУ, ќе ги принудуваме двете страни да ги исполнуваат обврските од овој договор, бидејќи сега ќе биде составен дел од европскиот пат. Ако не се исполни – ќе следат последици. Дијалогот не е само за Косово и Србија. Вниманието од сите медиуми од регионот и пошироко, го докажуваат тоа, дека ова е за стабилноста, сигурноста и просперитетот на целиот регион. Овој дијалог мора да се види низ поширок политички контекст, со алатка за овозможување мир и стабилност на Западен Балкан. Во понеделник, европските лидери ќе се состанат во Брисел, ќе ги информирам за овие разговори и за учеството и ангажманот на двете страни целосно да ги имплементираат нивните обврски“, кажа Борел.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.