Регион
Босански медиуми: Убиецот од Градачац планирал да се ожени со друга жена и да замине во Германија

Нермин Сулејмановиќ, кој на 11 август во Градачац, Босна и Херцеговина ја уби сопругата и уште две лица, а потоа се самоуби, на 16 август планирал да се ожени со друга жена и да замине во Германија каде што ќе отвори теретана.
Оваа информација за „Аваз.ба“ неофицијално ја потврдиле од полициските кругови во земјата. Избраничката на Сулејмановиќ, како што се наведува, е од германски град.
Истрагата покажала дека тој по венчавката планирал да замине во Германија.
Нермин Сулејмановиќ на 11 август во Градашац, Босна и Херцеговина ја уби својата невенчана сопруга и уште две лица, а откако се обидел да побегне, се самоубил пред очите на полицијата.
Тој ден, Сулејмановиќ го сними убиството во живо на Инстаграм, а видеото беше отстрането три часа подоцна.
Членот на Претседателството на БиХ, Денис Беќировиќ, рече дека злосторството во Градачац, во кое беа убиени три лица, е потсетник дека на Босна и Херцеговина (БиХ) и се потребни институционални и долгорочни решенија за да се спречи насилството.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.