Регион
Брнабиќ: Сметајте на мојата оставка, верувам дека изборите се излез од кризата

„Сметајте на мојата оставка, ја имате на маса, тоа отвора простор за технички разговори, разговарав со Милош Вучевиќ, верувам дека излезот од кризата се парламентарни избори до крајот на годината, оставам на претседателот да донесе таква одлука“, рече српската премиерка Ана Брнабиќ.
„Како премиер и кажав на јавноста дека сум подготвена да поднесам оставка во секој момент, најголема чест ми е да ги извршувам обврските, најголема среќа ми е што имав можност да работам за мојата земја“, изјави Брнабиќ.
Таа рече дека не мисли дека се што направиле било совршено, дека морале да донесат некои одлуки за краток период, но смета дека резултатите се несомнени, јасни и дека Србија никогаш не напредувала на ваков начин.
„Едно од моите наследства е електронската администрација, кога станав министер за државна администрација имавме дури и регистри во хартиена форма. Дигитализација во која тогаш веруваше само Вучиќ, ретко кој од политичарите, ниту еден од политичарите во опозицијата. Не беше се совршено, но дадовме се од себе и мислам дека имаме резултати со кои секој од нас и нашите граѓани може да се гордееме“, рече таа.
Како што нагласи, монструозните злосторства што се случија ги шокирале, погодиле и длабоко ги смениле.
„Мислам дека оваа земја и секој од нас поединечно никогаш нема да биде иста после вакви трагедии. Сакам уште еднаш да изразам најдлабоко сочувство до семејствата. Како Влада, се обидовме заедно со претседателот, како и секогаш, веднаш да донесеме одредени мерки за да ја направиме нашата земја побезбедна, за да воспоставиме побезбедно општество на долг рок“, рече таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Македонски камионџија уапсен во Грција по несреќата во која загинаа татко и дете

34-годишен возач на камион од Македонија е уапсен вчера попладне во Грција, откако учествувал во страшна сообраќајна несреќа во која животот го загубија татко и неговиот 13-годишен син. Трагедијата се случила на стариот магистрален пат Солун – Верија, околу 16 часот.
Според информациите на грчкиот портал protothema.gr, до несреќата дошло на делницата меѓу Халкидони и Лудија, каде под сè уште неразјаснети околности дошло до жесток фронтален судир меѓу камионот и патничко возило во кое патувало четиричлено семејство.
Во судирот, 44-годишниот возач на автомобилот починал на самото место, а неговиот 13-годишен син им подлегнал на повредите кратко потоа. 43-годишна сопруга и нивниот 9-годишен син се здобиле со тешки повреди и биле веднаш пренесени со возило на итната медицинска служба ЕКАБ во болницата „Гениматас“ во Солун.
Според близок роднина на семејството, трагедијата се случила додека се враќале од патување и шопинг во Солун кон нивниот дом во едно село во регионот Пела. Роднината вели дека семејството е во целосен шок, а точните причини за несреќата засега остануваат непознати.
Фотографиите од местото на трагедијата, објавени од protothema.gr, прикажуваат целосно деформирано возило, што сведочи за силата на ударот. Грчката полиција продолжува со истрагата за да ги утврди причините за фаталната несреќа.
Регион
(Видео) Протестот заврши, хаосот почна! Еве што се случуваше откако студентите се повлекоа од белградските улици

Синоќа во Белград се одржа масовен протест во организација на студентите под слоганот „Се гледаме на Видовден“, на кој, според проценките, учествуваа десетици илјади граѓани.
MUP kaže da je na Slaviji 36.000 ljudi, a vi pogledajte snimak iz drona N1 i prosudite sami. pic.twitter.com/oidIEKlDJ7
— TV N1 Beograd (@n1srbija) June 28, 2025
Протестот помина мирно сè додека не беше прогласен крајот од страна на организаторите, по што студентите се повлекоа.
“Uništavaju sve čega se dohvate – Kosovo i Metohiju, vodu, zemlju, vazduh, univerzitet” – akademik Slobodan Vukosavić pic.twitter.com/zwn5JdqoTY
— TV N1 Beograd (@n1srbija) June 28, 2025
Ситуацијата ескалираше веднаш потоа, кога група маскирани лица влегоа во судир со припадниците на полицијата. Безбедносните сили употребија солзавец за да ги растераат присутните, а улиците останаа преполни со граѓани. Полицијата потоа започна со насилно растерување на толпата, што дополнително ја вжешти атмосферата во центарот на српската престолнина.
U Ulici Kneza Miloša došlo je do intervencije Policijske brigade koja je u jednom trenutku počela da potiskuje građane. Nakon potiskivanja, policija je počela jače da odguruje građane okupljene kod Londona, ljudi idu niz Ulicu kneza Miloša. Čuju se topovski uidari i upotrebljen… pic.twitter.com/GYbAOw4a48
— TV N1 Beograd (@n1srbija) June 28, 2025
23.40h žestoka intervencija u kralja aleksandra pic.twitter.com/yiirFEROuj
— zarko bogosavljevic (@zarkobns) June 28, 2025
Истовремено, пред зградата на Владата на Србија се одржа контра-настан во форма на „литературна вечер“, организиран од поддржувачите на власта.
Incidenti kod turske ambasade, bačeno je nekoliko topovskih udara i petardi, javlja naš reporter. pic.twitter.com/FGauiM6xIA
— TV N1 Beograd (@n1srbija) June 28, 2025
Протестите на студентите траат уште од ноември минатата година, кога на Железничката станица во Нови Сад се случи трагична несреќа во која животот го загубија 16 лица, меѓу кои и еден македонски професор.
Токму таа несреќа беше иницијална каписла за студентското движење кое со месеци бара отчетност, реформи и оставки.
Регион
Инциденти по протестот во Белград: Петпати фрлија солзавец, но луѓето бришат солзи и не се откажуваат, летаат јајца и шишиња по полицијата

Голема толпа народ не се повлекува од улиците на Белград иако студентскиот протест, преку кој испратија порака за предвремени парламентарни избори, заврши. Полициски кордони има насекаде и се обидуваат да ја потиснат масата луѓе. Граѓаните на многу места фрлаат со шишиња, лименки, камења и јајца по полицијата, се жалат дека се чувствува солзавец во воздухот, но велат дека нема да се откажат.
„Бевме пред кордонот полиција, во првиот ред. Петпати фрлија солзавец, но луѓето бришат солзи и не се откажуваат. Доста е страв, нема понатаму. Ова е нивен крај, не наш. Остануваме до крај“, вели за српската телевизија „Н1“ студентка која на протестот е со мајка си и не сака да си замине.
„Спуштете ги штитовите“ извикуваат граѓаните и не сакат да отстапат. Ставаат маски на лицата и пренесуваат повик „да не се откажуваме, се додека сме мирни, ништо не можат“.
Студентскиот протест на кој беа пренесени пораките за предвремени избори заврши мирно, а инцидентите почнаа во моментот кога студентите ги соблекоа елеците.