Регион
Вучиќ: Јасно е дека ќе имаме предвремени избори
Претседателот на Србија Александар Вучиќ и премиерката Ана Брнабиќ се обратија до јавноста. Вучиќ претходно најави дека „ќе објави многу важни вести“, политички и економски, додека Брнабиќ изјави дека е „подготвена да поднесе оставка“.
Вучиќ рече дека ќе чека опозициските партии да одговорат на нивниот повик за разговор и дека власта нема да се менува на улица.
„Верувам дека допрва ќе најдеме соговорници меѓу оние кои треба да покажат неспоредливо поголема сериозност и одговорност, ако не, ќе одиме на избори“, рече Вучиќ.
„Тоа што го кажа Ана значи дека ќе го забрзаме распуштањето на Собранието, бидејќи има рокови. Таа се повлекува од членството во Собранието, како претседател имам обврска да му понудам на друг мандат да формира Влада на Србија. Доколку се утврди дека нема мнозинство во Собранието, ако нема, можно е некој друг да формира мнозинство. Ние секогаш сме подготвени да разговараме“, рече Вучиќ.
„Јасно е дека ќе имаме предвремени избори, прашање е само на месецот кога ќе бидат, тензиите во општеството секогаш се решаваат со избори, некои ги создадоа овие тензии не затоа што имаа политички барања, туку затоа што имаа барања од одредени тајкуни за остварување на нивните интереси“, рече Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.