Регион
Брод натоварен со ѓубриво удри во мост и потона во Дунав, кај Бачка Паланка
Брод што пловел под романско знаме синоќа удрил во потпорен столб на мостот на граничниот премин Бачка Паланка и потонал, дознава порталот „Нова.рс“.
На него имало вештачко ѓубриво кога удрил во мостот, потврдија од Полициската управа во Нови Сад.
Почнал да испушта вода и набргу потонал во водниот пат, а на местото, покрај полицијата, пристигнала и противпожарната единица.
Засега не е познато како дошло до несреќата, а истрагата ќе ги утврди деталите.
Бродот отпловил од Австрија до Смедерево. Бродот со 6 члена на екипажот е закотвен и има инспекции. Информирана е и хрватската страна бидејќи сообраќајот во тој дел бил запрен.
Товарниот брод удрил во столбот на мостот „25 Мај“ на Дунав. Сообраќајот и граничниот премин Бачка Паланка – Илок се затворени додека не се изврши увид и процена на штетите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.
Регион
Лоцирани се остатоците од авионот што се урна во близина на Загреб
Лоцирани се остатоците од авионот што се урна попладнево во близина на Загреб. Неофицијално се дознава дека три лица преживеале, додека едно лице починало, јавува 24сата.
„Денеска во 15 часот и 51 минути е добиена дојава за пад на мал спортски авион во шумата јужно од Керестинац. Полициски службеници излегоа на терен, се укажува помош на повредените, местото на настанот е обезбедено“, соопштија од полицијата.
Авион од типот „Цесна“ кој се користел за скокови со падобран, се урна попладнево во близина на Загреб. Според неофицијални информации, во него имало четворица членови на екипажот.
Најверојатно се работи за спортски, тренинг или туристички авион кој се урнал во недалеку од пистата во загрепската населба Јеждовец.
Регион
Авион се урна во близина на Загреб
Авион со четворица членови на екипажот се урна попладнево во близина на Загреб, пренесуваат дел од регионалните медиуми. Најверојатно се работи за спортски, тренинг или туристички авион кој се урнал во Јеждовац.
Лансирани се дронови кои се обидуваат да го лоцираат авионот и да стигнат до местото на несреќата.
Таму се упатени возила на брзата помош, како и екипи на противпожарната единица.