Регион
„Веќе не сме такви будали“ – Вучиќ најави промени во пристапот кон дијалогот со Приштина
Претседателот на Србија најави дека ќе има промени „во доктрината и пристапите“ за продолжување на дијалогот со Приштина, што, како што рече, значи дека повеќе нема да може Белград да се става пред свршен чин.
Тој рече дека Белград останува отворен за дијалог, но дека разговорите ќе ги води на „поинаков начин“.
„Кога некој еднаш ќе ве изневери, тоа им се случува на добри луѓе затоа што верувале на нечиј збор или потпис. Кога ќе ве изневери по втор пат, можеби сте верувале или сте сакале премногу да верувате. Ако вака продолжи, не зборува за тој што те измамил, туку дека си будала. Ние веќе не сме такви будали“, изјави Вучиќ на новинарите во Белград по приемот организиран за основците од Косово.
Вучиќ најави дека очекува „лоши вести“ за Србија во наредните денови.
„Ќе објаснам како некои таканаречени пријатели не мамеа и лажеа во врска со членството на Косово во Советот на Европа. Рековме што ќе се случи ако тоа се случи бидејќи мислат дека имаат право да го спроведуваат договорот на измамнички начин. Ќе ни биде многу тешко затоа што нечија намера е да го турне српскиот народ што подалеку од Косово и Метохија и да им обезбеди целосен легитимитет и законитост за нивните постапки на оние што ги протеруваат Србите. Ова е само дел од она што ни се подготвува“, рече претседателот.
Насила можете да спроведете сè, но ќе треба да кажете дека тоа го спроведувате со сила“, рече Вучиќ.
По повод 20-годишнината од „мартовскиот погром“ против Србите на Косово, тој рече дека прогонот и насилството врз нив „со иста брзина и жестокост“ продолжува и денеска.
„Ниту методите не се менуваат многу, со истата сладострасна поддршка на оние што ги поддржаа со бомби во 1999 година, само во малку поизвртена форма. 25 години откако почнаа со оружје да ни го земаат Косово и Метохија, не престанаа и нема. Но, почесно е да се зачува слободата и да се заштити меѓународното право. Србија ќе продолжи да го прави тоа и во иднина“, рече претседателот.
Обраќајќи им се на основците од Косово, Вучиќ им се заблагодари што, како што рече, ја сакаат Србија, што знаат дека тоа е нивна земја и што знаат дека имаат само еден главен град – Белград.
„Денес во нашето славно Косово и плодна Метохија, вие сте некој и покрај желбите на оние кои не се никој, стоите и опстојувате како свои затоа што сте свои во нашето Косово и Метохија. Ви посакувам да ја сакате Србија. Србија не е нешто што е надвор од вас, ние секогаш ќе бидеме покрај вас, заедно со вас. Никогаш нема да бидете сами. Да живее Косово и Метохија и нашата единствена, убава Србија“, рече Вучиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Сијарто: Фокусот на унгарското претседателство со ЕУ ќе биде проширувањето на Унијата на Западен Балкан
За време на претстојното претседавање со ЕУ, Унгарија планира да се фокусира на прашања кои се важни за централна Европа, како што се борбата против илегалната миграција, проширувањето на Унијата кон Западен Балкан и енергетската безбедност, изјави денеска унгарскиот министер за надворешни работи, Петер Сијарто.
Кога станува збор за проширувањето на ЕУ, Сијарто на прес-конференција со својот чешки колега Јан Липевски рече дека регионот на Западен Балкан не заслужува да чека 14 години и 11 месеци за членство, што, како што вели, го поткопува кредибилитетот на политиката на Унијата, објави унгарската агенција МТИ.
„Тоа е ситуација што треба да се реши, така што унгарското претседателство (со Унијата) има јасна агенда да им помогне на земјите од Западен Балкан да го забрзаат пристапниот процес“, рече Сијарто.
Посочи дека ефектите од миграцијата директно се чувствуваат во Централна Европа од 2015 година и неопходна е сериозна регионална соработка за да се запре мигрантскиот прилив.
„Чешката, словачката и полската полиција ни помогнаа и ни помагаат на јужните граници на Унгарија да ги задржиме илегалните мигранти кои и се закануваат на Европа надвор од границите. Потребни се континуирани заеднички напори на четворицата централноевропски премиери за да се држи под контрола прашањето за квотите и да не се дозволи илјадници или десетици илјади илегални мигранти да се шетаат неконтролирано“, додаде Сијарто.
Шефот на унгарската дипломатија нагласи дека централна Европа „ќе продолжи да се спротивставува на притисоците поврзани со квотите“. Сијарто се осврна и на енергетската безбедност, наведувајќи дека Унгарија и Чешка планираат нуклеарен развој и затоа ќе продолжат да се борат против негативната дискриминација поврзана со нуклеарната енергија во Брисел.
Нуклеарната енергија е одржлив начин за производство на енергија, тоа е безбеден, еколошки и евтин метод за производство на големи количини електрична енергија“, заклучува Сијарто.
Регион
Ана Брнабиќ за 2 јуни распиша локални избори во 66 единици на локалната самоуправа
Претседателката на српското собрание Ана Брнабиќ распиша избори за 2 јуни во 66 единици на локалната самоуправа, бидејќи Националното собрание неодамна со две третини ги усвои измените на Законот за локални избори.
Изборите во овие локални самоуправи ќе се одржат на ист ден со изборите за советници во Градското собрание на Белград, односно на 2 јуни годинава.
„Среќна сум што испративме силна порака од парламентот до сите наши граѓани дека како нивни избрани сме способни да разговараме и да постигнеме договор и покрај сите наши разлики“, рече Брнабиќ по објавата.
Регион
(Видео) Уапсени Срби во Атина, поранешни членови на „Пинк Пантер“: осомничени се за украден накит вреден 315.000 евра
Двајца Срби, кои во минатото биле членови на организацијата „Пинк Пантер“, се уапсени во Атина под сомнение дека ограбиле две познати златарници во центарот на грчката престолнина, соопшти атинската полиција.
Според соопштението на грчката полиција, уапсените оперираат најмалку од минатиот декември, а се претпоставува дека имале соодветна мрежа за канализирање на украдени предмети, бидејќи оствариле добивка од над 315.000 евра.
По претресот во нивните домови, меѓу другото, пронајден е алат користен при кражбата, три рачни часовници, накит, 190 евра, лажна возачка дозвола, три мобилни телефони, лични предмети, како и дополнителен мотоцикл и автомобил што служеле за превоз.