Регион
(Видео) Вучиќ го пречека Ердоган: Воени почести, национална химна и црвен тепих
![](https://makfax.com.mk/wp-content/uploads/2022/09/erdogan-i-vucic.jpg)
Српскиот претседател Александар Вучиќ го пречека турскиот претседател пред Палатата Србија, а потоа следеа низа средби.
Реџеп Таип Ердоган беше пречекан со највисоки државни и воени почести, со пукање на 10 почесни водови, црвен тепих, формирање на гардата на српските вооружени сили и интонирање на химните на двете земји.
По интонирањето на националните химни, командантот на гардискиот баталјон, потполковник Милош Митриќ, му поднел извештај на претседателот, а минувајќи покрај почесната гарда, Вучиќ и Ердоган меѓусебно ги запознале членовите на нивните делегации.
Ердоган синоќа пристигна во Белград, а на аеродромот го пречека и претседателот на Србија. Ердоган доаѓа во Србија во рамките на посетата на регионот, а пред Србија ја посети Босна и Херцеговина.
Според програмата на посетата, по церемонијата на пречекот ќе следи средба меѓу претседателот Вучиќ и Ердоган, а потоа и пленарна средба на делегациите на двете земји.
Потоа, во присуство на двајцата претседатели, ќе има церемонија на потпишување договор меѓу Србија и Турција, по што Вучиќ и Ердоган ќе и се обратат на јавноста. Потоа ќе се одржи српско-турскиот бизнис-форум.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.