Европа
(Видео) Мистериозен летечки објект падна во Загреб – Дрон или авион од Украина?

Околу 23 часот силна експлозија одекна во близина на студентскиот дом во Загреб. Според првите информации од очевидци се претпоставува дека паднал воен авион.
Како што јавуваат медиумите во Хрватска, полицијата и пожарникарите излегле на лице место и веднаш го оградиле просторот околу големата дупка во асфалтот.
Според непотврдените изјави на очевидци, но и видеоматеријали, на местото каде што се случила експлозијата се гледаат делови од авионот или некој тип на авион или дрон, пишуваат медиумите од соседството.
A “plane” crashed in front of student dorm in Zagreb.
They say that one guy parachuted and landed near the area, and so far we know, no one is injured. pic.twitter.com/xG5hKTg352— Tomo Rajic (@Heavengo_01) March 10, 2022
Според првите официјални информации до кои дошол репортерот на Дневник.хр, се чини дека на местото на падот бил пронајден дел од моторот на авионот, кој направил кратер со дијаметар од околу три метри и длабочина од еден метар.
Во текот на ноќта пожарникарите се обиделе да отстранат уште еден предмет со падобран кој се заглавил на блиското дрво. Сè уште не се знае што е предметот, јавуваат хрватските медиуми.
?? Unidentified flying object crashing in the capital of Croatia. Object that fell looks like a part of an aircraft engine. Crater is 3m wide and 1m deep.#Zagreb #Croatia pic.twitter.com/ArxsNVKmEo
— Based ?? (@Based_FIN) March 11, 2022
На десетина минути пред полноќ на местото на нападот пристигнала воената полиција. Воените и цивилните агенции за воздушен сообраќај велат дека не изгубиле ниту еден авион, додека медиумите наведуваат дека пронајдените делови околу студентскиот дом дефинитивно биле од авион. Црвена ѕвезда и букви на руска кирилица се гледаат во делот пронајден во кратерот, јавуваат медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Германија и Белгија против запленувањето на средствата на руската централна банка во ЕУ

Германија и Белгија не се заинтересирани за идејата за запленување на средствата на руската централна банка кои моментално се замрзнати во рамките на Европската Унија.
Канцеларот Фридрих Мерц и белгискиот премиер Барт де Вевер се согласија по ова прашање за време на состанокот во Берлин.
„Од правна гледна точка, не е толку едноставно“, рече Де Вевер.
Мерц, исто така, предупреди на негативното влијание врз пазарите на капитал. Може да се случи тогаш и другите земји да ги повлечат своите државни средства.
Според Европската комисија, околу 210 милијарди евра средства на руската централна банка се замрзнати во ЕУ поради инвазијата на Украина.
Приходите од камата сега се користат за финансирање на оружје и муниција за Украина.
Сепак, предлозите за директно користење на парите преку налози за експропријација се контроверзни.
Де Вевер се залага за одржување на сегашниот пристап, кој користи само камата на замрзнатите средства на централната банка.
„Тоа е како гуската што ги снесува златните јајца“, објасни тој. „Треба да ја задржиме оваа гуска.“
Само кога ќе се договори мировен договор меѓу Русија и Украина „гуската може да се стави на маса“, заклучи белгискиот премиер.
фото: принтскрин
Европа
(Фото) Украински дрон се урна во Естонија

Украински борбен дрон се урна во Естонија, соопштија властите денес, во инцидент за кој се верува дека се случил во недела наутро.
„Тоа беше украински дрон кој нападна руски цели. Нема докази дека станува збор за руски дрон“, изјави Марго Палосон, раководител на естонската Служба за внатрешна безбедност, за естонското радио ЕРР. Според извештаите, ова е прв ваков инцидент во Естонија.
A Ukrainian military drone veered off course and crashed in Estonia. Authorities say they have no claims against Ukraine.
Wreckage and a blast crater were found in Tartu County. According to officials, the drone was likely Ukrainian.
Margot Pallonen, head of the Internal… pic.twitter.com/YHvhI0bw3a
— NEXTA (@nexta_tv) August 26, 2025
Украина нападна руски терминал за нафта и гас во балтичкото пристаниште Уст-Луга, во близина на естонската граница, во саботата навечер. Во понеделник, земјоделец во округот Тарту во Естонија пронашол остатоци од борбен дрон на својата нива, рече Палосон. Исто така, бил видлив кратер од експлозија.
Не е јасно дали дронот дошол од латвискиот или рускиот воздушен простор. Употребата на дронови во војување може да претставува закана за соседните земји.
Во последните месеци, руски дронови влегоа во воздушниот простор на Полска, Литванија и Латвија преку Белорусија, руски сојузник. Слични инциденти се пријавени во Романија и Молдавија.
фото: принтскрин
Европа
Авион со руски туристи принудно слета во Естонија поради украински напад со дронови

Патнички авион што превезуваше руски туристи до Санкт Петербург беше принуден да слета во Естонија вчера по украинскиот напад со беспилотно летало врз Русија.
„Авионот беше пренасочен кон Талин бидејќи не можеше да слета на аеродромот ‘Пулково’ поради неговото привремено затворање“, потврди Маргот Холтс, раководител за комуникации и за маркетинг на аеродромот во Талин.
Во ноќта од саботата кон неделата украински беспилотни летала погодија гасен терминал во регионот Ленинград и рафинерија за нафта во регионот Самара. Извор во Службата за безбедност на Украина потврди за „Киев индепендент“ дека разузнавањето стои зад нападот врз терминалот за течен природен гас во регионот Ленинград.
Авионот, управуван од египетскиот превозник „Ал Масрија јуниверсал ерлајнс“, полетал од Шарм ел Шеик и слетал во Талин во 5.33 часот по локално време. Тој го продолжил своето патување кон Санкт Петербург речиси шест часа подоцна.
Според Холтс, на патниците и на екипажот не им било дозволено да го напуштат авионот додека биле на аеродромот во Талин.
Украинските напади со беспилотни летала, кои сè повеќе го нарушуваат цивилниот воздушен сообраќај во Русија, се дел од пошироката украинска стратегија за поткопување на руската логистика далеку над линиите на фронтот. Во првите месеци од 2025 година украинските напади со беспилотни летала наводно ја принудиле Русија да затвори аеродроми повеќе од 200 пати.
фото: принтскрин