Регион
(Видео) Невреме го зафати регионот – силен ветер носеше сѐ пред себе

Голем дел од регионот попладнево го зафати силно невреме, проследено со силни налети на ветер и дожд, кои набргу се претворија во снег, што им создаде големи проблеми на возачите.
Поради обилните снежни врнежи, кои остануваат на патиштата поради ниските температури, сообраќајот се одвива отежнато на Комар, Караула, Нишиќи, Романија и Чеваљновиќи. Бидејќи сообраќајот за товарни возила е во прекин на одредени планински превои, сообраќајот на тие делови се одвива наизменично по една коловозна лента.
Од босанско-херцеговскиот автомото-клуб предупредија дека сообраќајот се одвива по влажни коловози, а привлече внимание и со честите одрони.
Во Хрватска е забележан пороен дожд, а во некои делови на Далмација силен ветер и снег. На повисоките планини почна да врне снег. Град паднал во областа Шибеник, источен Сплит, област Сињ, а според локалните медиуми, најобилен град паднал во пошироката област Омис и висината била и до 10 сантиметри. Во северниот дел на Јадранот и северна Далмација температурите се движат од 8 до 12 степени, пренесува „Индекс.хр“.
Од Бенковац пристигнаа застрашувачки снимки, на кои се гледа како ветерот носи сѐ пред себе. Ветерот е толку силен што ги креваше контејнерите и ги носеше како да се лист хартија.
„Штетата е огромна кај мене и во петнаесет други згради, каде што наиде силниот ветер, креваше покриви и ќерамиди“, изјави жител на Мирање за ХРТ.
Повредени нема, но жителите претрпеле материјална штета. Ветерот носеше ќерамиди, оштети неколку возила, фрлаше контејнери, уриваше тенди, а на едно семејство искршена му и е влезната врата.
Предупредување за невреме издаде и Републичкиот хидрометеоролошки завод (РХМЗ) на Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Габи Новак беше вистинска дама на југословенската поп-музика

Пејачката Габи Новак (1936–2025) беше вистинска дама на југословенската и хрватската забавна музичка сцена, вели музичкиот публицист и новинар Бранимир Локнер.
Во врска со веста за смртта на Габи Новак, Локнер изјави за „Танјуг“ дека првата фаза од нејзината кариера вклучувала поп, твист и други жанрови од шеесеттите години, потоа помек вокален џез.
Според него, нејзиниот стил се менувал низ годините и таа се обидела и со шансона, „што може да се види од композициите што ги направил нејзиниот сопруг Арсен Дедиќ (1938–2015)“.
Локнер рече дека Габи Новак не била фокусирана само на една музичка форма, а нејзиниот музички опус во однос на дискографијата, особено сингловите, е многу богат и таа била присутна на сцената континуирано.
Според неговите зборови, изведбата на Габи Новак на песната „Вино и гитари“ „до ден денес останува една од најголемите екс-џу еврегрини од 1960-тите“.
„Во првата фаза од нејзината кариера, таа беше покомерцијална, а нејзиниот подоцнежен пристап немаше таков комерцијализам, но беше препознаена и ценета. Секогаш ја сметаа за дама“, истакна Локнер.
Како што додаде, Габи Новак беше учесник на бројни забавни музички фестивали на домашната музичка сцена, а нејзината кариера беше придружена со релевантна дискографија.
Локнер додаде и: „Нејзините најплодни години во креативна смисла беа во втората половина на шеесеттите и првата половина на седумдесеттите“.
Регион
(Видео) Рама покажа како во Албанија се уриваат дивоградби посакувајќи успешна недела

Албанскиот премиер Еди Рама на „Фејсбук“ објави видео од акција за уривање на дивоградби, со порака дека продолжува битката против бесправната градба која, како што рече, ги загрозува и нагрдува заедничките простори.
„По секоја цена ќе го напишеме последното поглавје од борбата со градбите без дозвола или спротивно на издадените дозволи“, порача Рама, посакувајќи им на граѓаните успешна недела.
Регион
(Видео) Црна Гора: Пожарникар повреден при експлозија, повеќе семејства евакуирани по пожарите

Денеска низ Црна Гора се регистрирани повеќе големи пожари, а во Горни Рогами неколку семејства се евакуирани откако огнот се приближил до нивните домови. Во текот на гаснењето дошло до експлозија во која е повреден еден пожарникар.
Пожарите ги гаснат пожарникари, хеликоптер и ер трактори, како и припадници на Армијата на Црна Гора.
Во Пипери гори, а густ чад се шири над Подгорица. Повеќе од 20 возила на Службата за заштита се на терен и се обидуваат да ги заштитат куќите.
Najavih juče požare. Lako je zaključiti. Kada je 35°C i više uz vjetar, svaka iskra je novi požar.
Buljarica danas. pic.twitter.com/F3Y5EL7mKz— Stanko Đuričić (@stankodjuricic) August 11, 2025
Командирот на Службата за заштита и спасување на Подгорица, Никола Бојановиќ, изјави за агенцијата МИНА дека сите расположливи екипи се испратени на терен.
Според неговите зборови, ситуацијата е прилично критична во Пипери.
Od Pipera požar se širi ka Podgorici uz jak sjeverni vjetar. Ko ima kuće na potezu od Pipera ka PG valjalo bi da ode i brani kuće. Naravno da to ne može uraditi vatrogasna sa svojim kapacitetima. Naravno da o tome ne misli Vlada, jer je ona na godišnjem odmoru. pic.twitter.com/ZBsrYyltml
— Stanko Đuričić (@stankodjuricic) August 11, 2025
При гаснење пожар во местото Рогами денеска во Црна Гора дошло до експлозија во која е повреден пожарникар, соопшти вршителот на должност командир на Службата за заштита и спасување на Главниот град, Никола Бојановиќ.
Тој истакна за порталот „Стандард“ дека пожарникарот има полесни повреди.
Како што посочи, укажана му е лекарска помош и неговата состојба е стабилна.
Црногорскиот електродистрибутивен систем соопшти дека, по барање на Пожарникарската служба, е исклучен далекуводот DV 10 kV „Пипери“ поради пожар во близина на трасата, па без струја останале повеќе села и населби.
Бојановиќ истакна дека во меѓувреме добиле дојава дека пожар избувнал и во подгоричката населба Мало Брдо, каде гори една куќа.
Гори и во Кучи, Буљарица, Чањ и Бијело Поље.
Iznad Čanja u Crnoj Gori jutros se rasplamsao požar. Vatrogasne sirene se čuju u celom naselju. Vatra je prema nezvaničnim informacijama krenula u nedelju, a tokom noći se rasplamsala. pic.twitter.com/7H7N2iOySi
— Razglas news (@razglasnews) August 11, 2025