Регион
(Видео) Протест во Албанија, фрлени „молотови коктели“ врз зградата на владата: „Го рушиме режимот на Рама“

Демонстрантите од опозицијата вчера фрлаа молотови коктели и камења врз зградата на албанската влада, обвинувајќи ги владините претставници за вмешаност во организиран криминал и корупција, откако нивниот лидер беше ставен во домашен притвор.
Илјадници се собраа пред седиштето на владата во главниот град Тирана, додека припадниците на интервентната полиција беа повикани да ја опколат канцеларијата на премиерот Еди Рама. Засега нема извештаи за повредени, сериозни штети или уапсени.
Главната опозициска Демократска партија го обвинува Рама за непотизам и корупција, што според неа охрабрува многу млади луѓе да емигрираат во потрага по подобар живот во Западна Европа.
20 February 1991 marked the end of the communist regime in Albania.
On this day 33 years ago, tens of thousands of students and citizens rose to demolish the symbol of communism, the gigantic monument of long-time dictator Enver Hoxha, which was located in the center of Tirana. pic.twitter.com/UFbkjgNPBH
— Jakub Bielamowicz (@KubaBielamowicz) February 20, 2024
Демонстрантите вчера избраа да се соберат во спомен на 20 февруари 1991 година, кога продемократските демонстранти ја урнаа статуата на долгогодишниот албански комунистички диктатор Енвер Хоџа.
„Тука сме да го урнеме режимот на Рама, полош од режимот на Енвер Хоџа“
„Денеска сме овде за да го собориме режимот на Рама, кој е полош од режимот на Енвер Хоџа“, рече Силе Џебеџија, демонстрант кој рече дека патувал над 100 километри за да присуствува на протестот во Тирана.
#Opposition protesters hurl petrol bombs at #Albania government building#Tirana #protest
The main opposition Democratic Party accuses #Rama of nepotism and corruption which it says are prompting many young people to emigrate for a better life in western Europe. pic.twitter.com/o7bV29HGyM— Tetova News (@TetovaNews1) February 20, 2024
Опозицискиот лидер Сали Бериша им се обрати на демонстрантите преку видео врска од домашен притвор. Против него се води истрага за наводна корупција додека беше премиер од 2005 до 2013 година.
Бериша негираше дека сторил нешто лошо, обвинувајќи го Рама за политичка одмазда со цел да ги замолчи противниците. Рама негира.
Massive demonstrations in Tirana, Albania, against the gross corruption in the country and against the rule of the Albanian government.
Edi Rama, Prime Minister, has been approaching the Serbian dictator for the last period of time.pic.twitter.com/WxxHKV91uA
— Foreign policy (@ForeignpolicyWB) February 20, 2024
Обвинителите допрва треба да одлучат дали ќе поднесат формални обвиненија против Бериша или ќе ги отфрлат.
„Еди Рама, како и другиот диктатор Хоџа, ги концентрираше сите сили во свои раце и сака Албанија без опозиција“, рече Бериша на демонстрантите.
Бериша редовно им се обраќа на поддржувачите од балконот на неговиот стан во центарот на Тирана.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Суштината на обоената револуција е Србија да биде најслаба во регионот, а јас да клекнам пред сите

Српскиот претседател Александар Вучиќ денес изјави дека суштината на обоената револуција е дека Србија мора да биде послаба во споредба со сите во регионот, како и тоа тој да биде неспособен претседател, кој би клекнал пред сите што не ѝ посакуваат добро на Србија, пренесуваат медиумите во соседството.
„Тоа е суштината на обоената револуција. Србија мора да биде скромна и секогаш мора да биде послаба од Хрватска и од сите други во регионот за да може да бидат задоволни“, рече Вучиќ во Палатата на Србија одговарајќи на новинарско прашање.
Вучиќ рече дека денес не е случај Србија да е најслаба во регионот, иако е посиромашна од другите, туку дека, од друга страна, напредува побргу од другите, што никому не му одговара.
„Тоа е една од причините зошто го прават тоа бидејќи би сакале да имаат некомпетентен претседател, кој би клекнал на колена пред сите оние што не ѝ посакуваат добро на Србија“, рече Вучиќ.
Тој ги обвини луѓето, за кои тврди дека се водачи на блокади, дека ја мразат Србија и ѝ посакуваат најлошо на својата земја наведувајќи дека поради нив, земјата е во тешка ситуација бидејќи „ја намалиле стапката на раст, го уништиле туризмот, како и многу економски гранки“.
„Дури и меѓу блокадите има такви што ја сакаат Србија, но не може да се одвојат од овие водачи – новинари, професори и политичари. Тоа е еден од проблемите“, рече Вучиќ, пренесува „Бета“.
Регион
Поради силни ветрови, во прекин фериботскиот сообраќај во Грција

Фериботскиот сообраќај во Егејското Море во Грција денес беше прекинат поради силни ветрови, кои достигнаа брзина од 60 километри на час, поради што илјадници туристи не можеа да одат до своите планирани дестинации.
Забраната за пловидба, која ќе биде во сила денес најмалку до 13 часот по локално време, важи во сите поголеми пристаништа во Атика, а само фериботите на неколку линии во областа Аргосароникос сè уште пловат, објавува „Јуроњуз“.
Пристанишните власти чекаат ветерот да стивне за да може да се укине забраната за пловидба.
Пловењето кон островите Киклади беше прекинато во пристаништето Рафина иако екскурзиите до Мармарис на островот Кос продолжија според планот.
Фериботите не сообраќаат од Пиреја, а пловидбата во пристаништето Лаврио е прекината во правец на Китнос и Агиос Маринас и Неа Стира.
Илјадници патници не можеа да го почнат своето патување утрово поради прекин на пловидбата и чекаат да одат на своите дестинации.
Грчката крајбрежна стража им советува на патниците да се консултираат со компанијата чиј ферибот треба да ги превезува кога ќе бидат можни нови поаѓања, како и да ги избегнуваат пристаништата на кои се појавил сообраќаен метеж.
Метеоролошката служба прогнозира дека силните ветрови ќе траат најмалку до недела, што би можело да влијае на фериботскиот сообраќај.
Поради оваа причина, властите им препорачаа на туристите да стапат во контакт со локалните пристанишни власти и компании пред да заминат.
Регион
Гори во Грција: издадена наредба за итна евакуација

Голем шумски пожар избувна денес во областа Каравадос на грчкиот остров Кефалонија, а издадена е наредба за евакуација на три области, јавуваат грчките медиуми.
Пожарот избувнал во земјоделска и шумска зона, а ангажирани биле 20 припадници на противпожарната служба со седум возила, како и членови на планинската спасувачка служба и волонтери, објави „Катимерини“.
„Доколку се наоѓате во областите Каравадос, Доризата и Керамис, засолнете се и упатете се во правец на Аргостоли. Следете ги упатствата на властите“, се наведува во известувањето на противпожарната служба.
Четири авиони и два хеликоптера исто така помагаат во гаснењето на пожарот, пишува грчкиот весник.
Фото: принтскрин