Регион
(Видео) Столтенберг и Вучиќ разговараа за заеднички воени вежби на Србија и НАТО

Генералниот секретар на НАТО, Јенс Столтенберг, изјави во Белград дека акумулацијата на силите на српската армија на границата со Косово нема да помогне да се смири ситуацијата, а насилството на северот го оцени како неприфатливо и ја поздрави намерата на Србија да ги гони одговорните за нападот во селото Бањска.
Столтенберг, кој е во посета на земјите од регионот, на заедничката прес-конференција по разговорот со претседателот на Србија, Александар Вучиќ, истакна дека по конфликтот меѓу српската паравоена група и косовската полиција, НАТО распореди дополнителни 1.000 војници и тешко оружје во Косово.
Ова е најголемото зголемување на контингентот на НАТО во последната деценија и покажува дека НАТО е подготвен да го зачува мирот, рече Столтенберг и ја поздрави блиската соработка на КФОР и Армијата на Србија нагласувајќи го повикот до двете страни Косово и Србија да ги намалат тензиите и да се воздржат од какви било потези, кои може да придонесат за понатамошна ескалација на теренот.
Тој додаде дека го поддржува формирањето на заедницата на српските општини (ЗСО), на што инсистира официјален Белград во дијалогот со Приштина, и оцени дека тоа е клучот за нормализирање на односите меѓу Србија и Косово. Лидерот на НАТО ги повика Белград и Приштина да се вклучат во дијалог под покровителство на Европската Унија (ЕУ) бидејќи тоа е „единствениот начин за траен мир и стабилност“.
Столтенберг и Вучиќ разговарале и за можноста за заеднички вежби меѓу Србија и НАТО, а српскиот претседател ја истакнал важноста од соработката со таа алијанса. Вучиќ изрази надеж дека НАТО „донекаде ќе обезбеди безбедност за српскиот народ во Косово“ тврдејќи дека од 2001 година „само Србите се напаѓани“, а особено по 2008 година, и дека нападите и инцидентите на север се зачестени откако на власт е косовскиот премиер Аљбин Курти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Младо момче пропадна низ отвор на лифт во Сараево

На Природно-математичкиот факултет во Сараево денеска млад човек паднал низ отворот од лифтот, пренесува Radiosarajevo.ba.
„Денеска во 13 часот и 44 минути пријавена е оваа несреќа. Млад човек се обидел да излезе од лифтот и паднал низ отворот“, изјавиле од противпожарната бригада на Сараево.
Пожарникарите за две до три минути биле на местото на несреќата и го ослободиле, а момчето било при свест.
Откако пожарникарите го извлекле младиот човек, брзата помош дошла да го пренесе во болница.
Не е познато според написите, дали младиот човек е потешко повреден.
Регион
Лирман дојде скришум да се сретне со своите пулени во подрумот: Додик ја прогласи германската министерка за непожелна

Германската министерка за Европа и климатски прашања Ана Лирман требаше да одржи средба во Бања Лука со претставници на Партијата за демократски напредок (ПДП), но средбата беше откажана во последен момент, пишува „Klix.ba“.
Според потпретседателот на ПДП, Игор Црнадак, причина за откажувањето на состанокот е одлуката на Владата на Република Српска да ја прогласи министерката за персона нон грата, поради што таа ја напушта земјата.
Претседателот на Република Српска, Милорад Додик, се огласи по повод средбата и ја повика полицијата да ја спроведе министерката. „Како и секој непожелен посетител, германската министерка Ана Лирман дојде во Бања Лука скришум да се сретне со своите пулени во подрумот“, рече Додик.
Како што пишува „Клик“, тој додаде дека очекува полицијата на Република Српска наскоро да ја испрати министерката. Додик, кој веќе е санкциониран од Германија и има забрана за влез во земјата, ја критикуваше и Германија, прашувајќи „во што западна некогаш моќната Германија“.
Регион
Вучиќ: Србија мора да биде подготвена за безбедносни предизвици

Српскиот претседател Александар Вучиќ вечерва изјави дека Србија склучува договори со Унгарија и ја зајакнува својата армија, бидејќи мора да биде подготвена за безбедносни предизвици.
Во Софија, Вучиќ за РТС изјави дека нема да бара објаснување за безбедносниот договор потпишан од Албанија, Косово и Хрватска, бидејќи, како што додаде, го поставил во разговорите со генералниот секретар на Европската унија Марк Руте и лидерите.
„Покрај тоа што кревавме раменици и велиме ете се случи, не можев да очекувам или да добијам друг одговор. Реагиравме соодветно. Сојузите се важни, но важно е да ја зајакнеме нашата позиција. Србија ќе продолжи да работи на зајакнување на својата армија, сите нејзини безбедносни капацитети, за да можеме да гарантираме мир на секое дете во нашата земја, на секој човек, на секој што живее во нашата земја.
Како што додаде, тоа е една од причините поради која Србија се повеќе се движи кон договор во таа област со Унгарија.
Вучиќ посочува дека ова не е начин да се креираат политички контрамерки, туку полека, длабински и суштински да се обиде да даде одговор на безбедносните предизвици.
Како што истакна, голем предизвик за Србија е се што се случува околу Република Српска.
„Она што ме загрижува е немањето желба за компромис. Разговарав со сите насекаде, од Брисел, вчера со Англичаните, со сите. Ја гледам нивната многу, многу силна посветеност“.
Голем предизвик за Србија, како што рече Вучиќ, е приказната за Бриселскиот договор.
Вучиќ наведува дека никому не му е грижа што Приштина не го почитува Договорот за регионална полиција, Договорот за правда и обвинителството, дека не се почитуваат шест од 15-те точки од Бриселскиот договор за формирање Заедница на српски општини, пренесува Танјуг.
„Формално ќе кажат дека им е грижа, но во суштина не им е грижа. Тоа е нивното дете што ќе го штитат, а Србија во исто време ја знае својата позиција, ние знаеме дека сме мали во споредба со големите, знаеме дека сме против нив во однос на почитувањето на меѓународното јавно право, нормите на Обединетите нации. Мораме да бидеме внимателни, но доволно цврсти, доволно храбри за да ја заштитиме нашата позиција порача Вучиќ, пренесува Танјуг.