Регион
Во 2017-та во Србија нема да има вонредни парламентарни избори
Вонредни парламентарни избори во Србија оваа годна нема да има, пишуваа во неделата вечерта електронските медиуми во Белград.
Српскиот премиер и претседател на владејачката Српска напредна партија (СНС), Александар Вучиќ, оцени дека ситуацијата во Србија „ќе биде постабилна доколку се одржат само избори за шеф на државата“, објави попладнето рускиот портал на српски јазик Sputnik повикувајќи се на извори во врвот во владејачката коалиција, предводена од СНС:
Во написот Sputnik „ексклузивно тврди“ дека „вонредни парламентарни избори нема да бидат одржани во април, заедно со претседателските“.
Како што е најавено, Вучиќ во понеделникот на јавноста „но и на политичките партнери и на ривалите“, ќе им ја соопшти својата одлука дека ќе бидат распишани само изборите за претседателот на државата.
Владејачката коалиција предводена од СНС на Вучиќ изминатите денови беше поделена по прашањето дали оваа година, истовремено со претседателските, треба да се одржат и изборите за српскиот парламент.
Таа опција, како што се дознава, биле подготвени да ја поддржат некои од коалиционите партнери на Вучиќ, партнери дури и јавно апелирајќи премиерот да влијае врз истовременото распишување и на парламентарните избори.
„Сепак, водачот на напредњаците и идниот кандидат за претседател на Србија (Александар) Вучиќ прекрши дека ситуацијата во државата ќе биде постабилна доколку се одржат само изборите за шефот на државата“, наведува Sputnik, чии сознанија ги пренесуваат и другите медиуми во Србија.
На таквата одлука претходела оцената дека „во времето на регионалните потреси, политичка криза во Босна и Херцеговина, заострувањето на состојбата на Косово и Метохија, не би било целисходно дури ни привремено да се создаде вакуум во сите водечки државни институции“, пишува Sputnik.
„Значи, доколку Вучиќ победи на претседателските избори…, тој би ја извршувал должноста на премиер, а министрите би работеле со полн капацитет, додека првиот човек на ‘напредњаците’ официјално не ја презема претседателската должност. Тогаш актуелната влада практично би паднала, а Вучиќ, доколку победи, би му го доверил мандатот“ на некој за составување на нов состав на владата којашто би го избирала актуелната Скупштина на Србија, во која доминантно мнозинство има коалицијата предводена од СНС:
Претходно во неделата лидерот на Социјалистичката партија на Србија (СПС)кој водно е и министер за надворешни работи Ивица Дачиќ, изјави дека „во разговор со Вучиќ“ заклучил дека постои политичка стабилност и оти затоа не се потребни нови парламентарни избори.
Дачиќ во Прокупље, на одбележувањето на годишнината на Топличкото востание против Австроунгарија и Бугарија, изјави дека најдобриот доказ за политичката стабилност на власта во Србија е тоа што „Вучиќ е кандидат за претседател на Србија“ на сите партии кои учествуваат во власта.
Мандатот на актуелниот српски претседател Томислав Николиќ, исто така од СНС, му истекува во мај годинава, а во трката за шеф на државата досега официјално се вклучија Воислав Шешељ, кандидат на Српската радикална партија (СРС), поранешниот народен правобранител Саша Јанковиќ, кој ја има поддршката од значителен дел на опозицијата, поранешниот шеф на српската дипломатија и поранешен претседавач со Генералното собрание на ОН, Вук Јеремиќ, како и водачот на конзервативното движење Двери, Бошко Обрадовиќ.
Вучиќ кој средината на февруари доби едногласна поддршка на Централниот одбор на СНС да се кандидира за претседател на претстојните претседателски избори, а по многуте нагаѓања актуелниот претседател Николиќ соопшти дека „постигнал договор“ со Вучиќ./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Зелено светло за Бугарија – од 1 јануари 2026 година може да го воведе еврото
Во четвртокот, Бугарија доби зелено светло од лидерите на Европската Унија за воведување на еврото од 1 јануари 2026 година.
Лидерите, собрани на самитот на ЕУ во Брисел, го поддржаа предлогот на Европската комисија да ѝ се дозволи на Бугарија да стане 21-ва членка на еврозоната и да го замени левот со евро, откако веќе планираше да го стори тоа во 2024 година, но беше одбиена.
Оваа балканска земја е членка на ЕУ од 2007 година и е првата земја што може да го воведе еврото по Хрватска во 2023 година.
Европскиот парламент и Европската централна банка (ЕЦБ) сè уште треба да бидат консултирани за потребните законски измени пред Бугарите да можат да плаќаат во евра, но тие чекори се сметаат за формалност.
Бугарија, според написите во медиумите од регионот како една од најсиромашните земји на ЕУ, останува на дното на листата од 27 членки во однос на бруто домашниот производ (БДП) по глава на жител, иако стапките на раст се повисоки од другите земји.
Покрај релативно ниските и стабилни стапки на инфлација, критериумите за пристапување вклучуваат стабилност на цените, здрави јавни финансии и стабилни девизни курсеви.
Комисијата неодамна изјави дека очекува стапка на инфлација од 3,6 проценти за Бугарија оваа година и 1,8 проценти во 2026 година, што доведе до позитивен рејтинг за Софија.
Во Бугарија, воведувањето на еврото беше проследено со жестоки протести. Во февруари, националистите запалија оган пред влезот на претставништвото на ЕУ во Софија и истурија црвена боја на стаклената фасада на зградата. Тие фрлаа молотови коктели и јајца.
Минатиот месец, поддржувачите на проруските и националистичките партии демонстрираа во главниот град Софија и во други градови, барајќи левот да се задржи поради стравувањата дека еврото ќе поттикне зголемување на цените.
Противниците на еврото собраа 604.000 потписи во корист на референдум за воведување на заедничката валута, но бугарскиот парламент го отфрли референдумот двапати – во 2023 година и во мај 2025 година.
Според анкетата спроведена од бугарскиот институт Мјара кон средината на мај, повеќе од половина од сите возрасни (54,9%) се противат на воведувањето на заедничка валута во 2026 година, додека стабилна третина (34,4%) се за приклучување кон еврозоната следната година, анализираат медиумите.
Регион
(Видео) Силни ветрови, грмотевици и град: невреме ја погоди Хрватска
Силно невреме погоди неколку делови од Хрватска во четврток вечерта. Го погоди и регионот на Загреб, за кој Државниот хидрометеоролошки завод (DHMZ) издаде црвено предупредување поради исклучително опасни временски услови. Ситуацијата беше особено тешка во Бродско-посавската жупанија. Дирекцијата за цивилна заштита утрово објави дека Окружниот центар 112 во Славонски Брод добил бројни пријави од граѓани во текот на ноќта поради последиците од невремето проследено со обилни дождови и бурни ветрови.
-Во Бродско-посавската жупанија, помеѓу 00:15 и 02:45 часот, имало прекини на далноводите и прекини на трафостаниците. 2.944 корисници во некои општини останаа без електрична енергија-, се вели во соопштението. Екипите на Електра Славонски Брод веднаш излегоа на терен и работат на отстранување на дефектите, а целосно нормализирање на снабдувањето со електрична енергија се очекува во текот на утрото и попладнето.
Во пошироката област на Вуковар, граѓаните беа сведоци на многу силни ветрови, грмотевици и интензивни врнежи од дожд во текот на ноќта. „Во Вуковар имаше силен ветер, а молњите беа како луди“, опиша еден жител.
Загреб, исто така, ја почувствувал бурата, околу 3:00 часот наутро градот бил погоден од силни ветрови кои донеле обилен дожд. По краткотрајното затишје, непосредно пред 8:00 часот наутро, силен пороен дожд повторно го погоди Загреб, придружен со силни грмотевици и налети на ветер. На западот од земјата, во Истра, во некои делови беше регистриран и град.
Силната бура ја погоди и соседна Италија, каде што беа регистрирани обилни врнежи од дожд, бурен ветер и град. На социјалните мрежи кружат фотографии од големи парчиња град, кои сведочат за силата на бурата.
Регион
Запалил спирала против комарци па ја изгорел куќата во близина на Загреб
Вчера наутро во близина на Загреб избувна пожар во куќа во сопственост на 57-годишен маж, соопшти загрепската полиција.
Истрагата утврди дека пожарот најверојатно избувнал поради пад на запалена спирала од комарци што била закачена на дрвен столб, од каде што пожарот се проширил на мебелот, кој бил целосно изгорен, на ѕидот од скалите и дел од покривот, се вели во полициското соопштение.
Пожарот бил изгаснат од пожарникари, а 43-годишен член на семејството бил полесно повреден и добил медицинска помош во Клиничката болница.
ДУИ: Нема да дозволиме Албанците да бидат третирани како граѓани од втор ред во сопствената држава
Демократската унија за интеграција го осудува најновиот пример на намерна и систематска дискриминација на Албанците во државните и јавните институции....
Муцунски: Од позиција на климање со глава, се вративме на патот на самопочит и влијание
Во Министерството за надворешни работи и надворешна трговија се одржа прес-конференција по повод една година од мандатот на Владата. Во...
Ризик од појавa на пожари поради високите температури: МЗШВ апелира на претпазливост
Министерство за земјоделство, шумарство и водостопанство ги повикува граѓаните на посебна претпазливост со цел спречување на појава на пожари на...
Ранливите потрошувачи и натаму незаштитени: итни мерки барат Инжинерите на Македонија
Додека Владата и Министерството за енергетика се фалат со новиот Закон за енергетика, илјадници граѓани остануваат без никаква реална заштита...
Се очекува Македонија годинава да ја посетат 1,5 милиони туристи, најбројни се гостите од Турција
Македонија веќе бележи двоцифрен годишен пораст во бројот на странски посетители, најновите податоци покажуваат 21.6 % раст во првата половина од...
Казни и до 2.000 евра: МВР со потсетување на целосната забрана за движење во шумите
Министерството за внатрешни работи ги известува граѓаните дека согласно насоките на Владата по барање од корисниците на шумите – ЈП...
Ја давел, ја влечел по подот и ја удирал: обвинение за семејно насилство во Бутел
Јавен обвинител од Основното јавно обвинителство Скопје поднесе Обвинителен предлог против едно лице за кривично дело – Телесна повреда при...
Постигнат договор меѓу САД и Кина? Ретки метали за Американците, помалку царини за Кинезите
САД постигнаа договор со Кина за тоа како да се забрзаат испораките на ретки земни метали во САД, изјави синоќа...
Сијарто: Украина погрешно мисли дека може да се приклучи на ЕУ без поддршката на Унгарија
Унгарскиот министер за надворешни работи Петер Сијарто изјави дека Министерството за надворешни работи на Украина погрешно мисли дека земјата може...
Да го имавме на нишан, ќе беше елиминиран: Кац за врховниот лидер на Иран
Израелскиот министер за одбрана Израел Кац изјави дека за време на неодамнешниот дванаесетдневен вооружен конфликт со Иран, Израел се обидел...
ЕУ ги продолжува санкциите кон Русија
Лидерите на земјите-членки на Европската Унија (ЕУ) го поддржаа обновувањето на секторските санкции против Русија за уште шест месеци, до...
Масовни напади од двете страни: Украина испрати дожд од беспилотни летала кон Волгоград, Русија тргна кон Запорожје
Ноќниот напад на руски беспилотни летала врз Запорожје предизвика серија пожари и штети на индустриски згради и гаражни објекти, објави...
Мицкоски: Финансиската полиција за 9 месеци откри криминали од 30 милиони евра што е доказ дека расчистуваме со криминалот
Финансиската полиција за 9 месеци откри криминали од 30 милиони евра што е доказ дека расчистуваме со криминалот, и правиме...
(Видео) Арсовска: Според документите на Ганиу, 11-годишно дете ја изградило 12-катницата во Чаир и поднело барање на нотар, ова е криминал
Документи со 20 случаи за незаконски легализации на дивоградби во Општина Чаир се поднесени до Основното јавно обвинителство за гонење...
Од 1 јули целосна забрана за движење во шумите
Министерството за земјоделство, шумарство и водостопанство по барање на ЈП Национални шуми – Скопје, согласно член 57, став 3 од...
(Видео) Филипче до Мицкоски: За јазикот и идентитетот никогаш не се преговарало, тие се потврдени со документи во ЕУ
На денешната седница на пратенички прашања, претседателот на СДСМ Венко Филипче со предупредување до премиерот Мицкоски и Владата во врска...
Мицкоски до Филипче: Зошто преговаравте за македонскиот идентитет и јазик, ние ќе сториме сѐ да ја внесеме Македонија во ЕУ
Претседателот на Владата, Христијан Мицкоски на денешната собраниска седница за пратенички прашања потенцираше дека Владата ќе стори сѐ да ја...
Топлотни бранови низ целиот свет: „Многу е рано, не изгледа добро“
Поради неподносливата топлина, Торонто одлучи да ги држи своите градски базени отворени речиси до полноќ. Британците масовно бегаат кон брегот....
Синдикат на култура: Работници немаат добиено плата за мај, инструкции се даваат по телефон
Две институции од областа на културата, НУ Стоби и ЈУ Универзална сала, немаат плата за мај. Причината лежи во тоа...
Поднесено обвинение за таткото од Драчево кој ја тепаше крвнички неговата четиригодишна ќерка
Обвинителството поднесе обвинение против таткото од скопско Драчево кој крвнички ја тепаше неговата четиригодишна ќерка. „Обвинетиот, на 21 јуни, вршејќи...
