Регион
Вучиќ: Досега најтешкиот разговор со меѓународните претставници за Косово
Претседателот на Србија, Александар Вучиќ изјави дека денеска во Белград имал многу тежок, a можеби и најтежок разговор што го имале досега со претставниците на „четворката“ и специјалниот пратеник на ЕУ за дијалогот меѓу Белград и Приштина, Мирослав Лајчак.
„Имавме отворена и сериозна дискусија, она за што се согласуваме е дека замрзнатиот конфликт не е решение, бидејќи само прашање на време е кога некој ќе го одмрзне и кога неодговорни поединци ќе го уништат мирот на целиот Западен Балкан“, истакна Вучиќ.
„Во тие услови побаравме од четворката и Лајчак – претставници на САД, Германија, Франција и Италија, да ни помогнат сите во надминување на турбуленциите со кои се соочуваме на Косово. И сметаме дека е крајно време да се формира ЗСО што не само што е ветено туку и потпишано пред 10 години. Тоа е ургентно, затоа што само после тоа е можен разговор и враќање во институциите и секакво нормализирање на состојбите“, рече Вучиќ.
Претседателот наведе дека во наредниот период ќе има дискусии и консултации со членовите на Владата, парламентот и со сите значајни општествени групи за предложениот договор за Косово.
„Дека сме подготвени да го прифатиме концептот и да работиме на имплементација на предложениот договор со тоа што јас јасно кажав една работа и ја покажав целата загриженост и резерва за едно важно прашање, но не можам да зборувам за тоа, бидејќи предлогот не е јавен“, посочи Вучиќ.
Коментирајќи ги оценките на останатите за владеењето на правото, тој рече дека не знае што кажале за напредокот на Србија на тоа поле, но изрази надеж дека го поздравиле напредокот што го постигнала Србија и оти тој очекува поддршка на европскиот пат на Србија.
„Се надевам дека ќе ги слушнеме нивните гласови, бидејќи со години слушаме како се неопходни реформи во областа на правдата, обвинителството и сите други работи и токму тоа го направивме и затоа очекувам дополнителна поддршка“ изјави Вучиќ.
Оцени дека на Србија не и претстојат лесни денови.
„Многу тешки одлуки.Тука нема убави или слатки разговори, можам само да кажам дека дадов се од себе за да ја чувам и заштитам Србија и ќе продолжам да го правам тоа барем уште некое време“, кажал српскиот претседател.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.