Македонија
Вучиќ и Курти во Охрид, домаќин ќе им биде шефот на европската дипломатија, Борел
Српскиот претседател Александар Вучиќ и косовскиот премиер Албин Курти в сабота ќе се сретнат во Охрид како дел од дијалогот со посредство на ЕУ, соопшти денеска Европската служба за надворешни работи (ЕЕАС). Во фокусот на состанокот, чиј домаќин ќе биде шефот на европската дипломатија, Жозеп Борел, ќе биде финализирањето на анексот за имплементација на договорот за патот кон нормализирање на односите меѓу Косово и Србија.
Борел и специјалниот претставник на ЕУ за дијалог меѓу Белград и Приштина, Мирослав Лајчак, првин ќе имаат одвоени средби со Вучиќ и Курти, а потоа ќе следува заедничка трилатерална средба. Лајчак оцени дека „прифаќањето на европскиот предлог би било позитивна порака“ посочувајќи дека сега е неопходно да се фокусираат на спроведувањето на анексот, кој ќе биде главна тема на разговор в сабота во Охрид.
По средбата на Вучиќ, Курти, Борел и Лајчак во Брисел на 27 февруари, шефот на европската дипломатија изјави дека лидерите на двете страни постигнале согласност за договорот за патот кон нормализација на односите меѓу Косово и Србија, но дека потребни се дополнителни преговори за модалитетите за спроведување.
Тогаш Борел најави дека Вучиќ и Курти ќе се сретнат во средината на март за да ги финализираат дискусиите за анексот за имплементација, кој е составен дел на договорот и кој ќе постави насоки за негова имплементација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Средба Муцунски –Лудва: изразен интерес за искористување на потенцијалот за натамошно развивање на економската соработка меѓу двете земји
Министерот за надворешни работи и надворешна трговија Тимчо Муцунски, денес оствари средба со амбасадорот на Чешката Република, Јарослав Лудва.
На средбата беше истакнато взаемно задоволство од одбележувањето на 30-години од воспоставувањето на дипломатските односи меѓу двете земји, кои се карактеризираат со развиена соработка во многу сфери и отворен и продлабочен дијалог по сите клучни прашања за двете земји.
Министерот Муцунски се заблагодари за силната чешка поддршка за процесот за интеграција на нашата земја во ЕУ, особено нагласена и преку Вишеградската и Групата на пријатели на проширувањето, како и преку т.н. Славков формат. Притоа, ја потенцира цврстата определба на новата влада за забрзување на евроинтеграцискиот процес и спроведување на клучните реформи.
Министерот изрази интерес за искористување на потенцијалот за натамошно развивање на економската соработка меѓу двете земји во повеќе области, меѓи кои и во енергетскиот сектор и земјоделството. Притоа, изразувајќи задоволство од порастот на трговската размена во изминатите години, Муцунски ја нагласи важноста од натамошен фокус на унапредувањето на бизнис релациите, што ќе биде меѓу приоритетите на Министерството во следниот период.
Македонија
Зголемена фреквенција на возила на „Табановце“ и „Богородица“, се чека околу 30 минути
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. Нa ГП Табановце и Богородица има зголемена фреквенција на возила за излез од Мaкедонија, време на чекање околу 30 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Министерот Мисајловски се сретна со амбасадорката на Грција, Софија Филипиду
Министерот за одбрана Владо Мисајловски попладнево во Министерството за одбрана оствари средба со амбасадорката на Грција, Н.Е. Софија Филипиду и одбранбеното аташе полковникот Константинос Самарас.
На средбата министерот Мисајловски истакна дека ќе се заложи на интензивирање на билатерална одбранбена соработка со Грција како наш НАТО сојузник и сосед со кој имаме заедничка визија за мирот, безбедноста и стабилноста на регионот и Алијансата.