Регион
Вучиќ се предомисли, ќе оди во Брисел: „Со Курти немам што да зборувам“

Српскиот претседател Александар Вучиќ сепак се предомисли, одлучи да оди во Брисел.
Тој се обрати на РТС и ја кажа својата одлука, веднаш откако специјалниот пратеник Џозеф Борел објави дека тој и косовскиот премиер Албин Курти ги повикал на итен состанок.
„Ќе одам во Брисел да разговарам со Борел час, два, 10, немам никаква врска со Курти. Разговорот со него нема никаква смисла. Тој ни држи предавања за филозофија, малку за Демачио, малку за Маркс и тоа е се. Се друго се однесува на прогон на Србите и предавања за внатрешно-политички прашања во централна Србија“, рече Вучиќ.
„Започнаа и апсењата на Србите јужно од Ибар. Нивната цел е да ги протераат Србите од цело Косово и Метохија“, изјави тој за РТС.
„Ние сме сами во ова, мораме да ги разбереме сопствените сили. Некој мора да извршува тешки задачи во име на граѓаните во најтешки услови. Ги молам луѓето да разберат дека земјата е во тешка ситуација. Ние сме под најтешки притисоци. За прашањето за Косово разговараме само со колективниот запад. Се чудите како да разговарате со некој со кој нема муабет. Погледнете ги изјавите на Ескобар ќе разберете се и ќе видите во каква страшна ситуација е Србија – изјави Вучиќ.
Тој нагласи дека на Запад мислат дека теророт врз Србите можно е да продолжи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Двегодишно девојче најдено мртво на плажа во Грција

Девојче на околу двегоишна возраст е пронајдено мртво на плажа во атинското предградие Палео Фалиро во неделата наутро, пренесуваат грчките медиуми.
На телото на девојчето наишол маж од Египет, кој веднаш ја известил полицијата со повик на бројот за итни случаи 112. Екипа на Брза помош го пренела телото во Детската болница, каде се очекува да биде извршена обдукција.
Во меѓувреме, полицијата ги проверува списоците на исчезнати лица, но засега идентитетот на жртвата не е утврден.
Регион
(Видео) Факели и емоции: „Цесарица“ одекнуваше на фериботот кон Корчула

Три и пол часа по тргнувањето од Сплит, атмосферата на фериботот кон Корчула не стивнуваше. Следеа хитовите на Оливер, а кога бендот ја отпеа „Цесарица“, беа запалени и факели, објави Индекс.хр.
Погледнете ја атмосферата и запалените факели за време на настапот со „Цесарица“:
Регион
Грција бара помош за справување со големите пожари

За активните пожари на неколку различни локации низ целата земја, Грција побара помош од Европскиот механизам за цивилна заштита, со цел да се испратат шест авиони.
Од попладнево, грчките пожарникари водат битка во источниот дел на областа Атика, поширокиот регион на Атина, во северна Грција, на островите Евија и Китира, како и во јужниот дел на Пелопонез, од бројот 112 за итни случаи беа испратени низа пораки за превентивна евакуација до жителите на зафатените области.
Портпаролот на противпожарната служба информираше дека во сите пожари интервенираат голем број пожарникари заедно со копнени и воздушни средства, но и дека во деловите каде што се пожарите е пријавена штета, чија процена ќе се направи кога ќе заврши гаснењето.
– Сите пожари што избувнуваат овие денови, а особено денеска, брзо се шират, стануваат опасни, а се очекува овие услови да преовладуваат и во наредните денови. Поради оваа причина, нашата земја побара помош од Европскиот механизам за цивилна заштита, со цел да ни обезбеди шест авиони, рече Василис Ватракојанис.