Регион
Германски пожарникари донесоа 110 тони помош во Сисак

Германски противпожарни служби од провинцијата Баден-Виртемберг вечерва доставија 110 тони пожарникарска опрема, медицинска опрема и храна во Сисак за подрачјето погодено од земјотресот во округот Сисак-Мославина.
Конвој од 11 противпожарни возила и три возила на германскиот Црвен крст ја доставија помошта. Покрај опремата и храната, тие донираа и две противпожарни возила за погодената област.
Конвојот беше пречекан од главниот командант на противпожарната служба Славко Туцаковиќ, командантот на противпожарната бригада Сисак-Мославина, Мијо Брлешиќ и командантот на противпожарната бригада Сисак, Мирослав Голуб.
„ Оваа опрема ќе им помогне на нашите пожарникари на терен, а остатокот од материјалот ќе биде дистрибуиран до други служби. Овде се покажа дека сите пожарникари имаат иста желба – да им помагаат на луѓето кои имаат потреба”, рече Туцаковиќ и се заблагодари за донацијата.
Противпожарната опрема ќе се растовари во Јавната противпожарна бригада Сисак, додека другата опрема, храна и материјали ќе бидат дистрибуирани до магацините.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Јуриќ: Бевме на праг да не ја пронајдеме Дуња, некој мора да сноси одговорност и да утврди како исчезна детето

Дуња Марковиќ од Уб беше пронајдена жива и здрава по потрагата што ја држеше цела Србија во неизвесност, но нејзиното враќање дома го отвори прашањето за одговорноста за случајот и почна истрага за околностите на нејзиното исчезнување. Игор Јуриќ од Центарот за исчезнати и малтретирани деца истакна дека е неопходно да се утврди одговорност за исчезнувањето на Дуња.
Цела Србија нервозно ја следеше потрагата по Дуња Марковиќ, па пристигна вест, која ги израдува сите – девојчето е пронајдено живо и здраво. Сепак, и покрај олеснувањето од пронаоѓањето на девојчето, се поставува прашањето, велат надлежните, за одговорноста за овој случај.
Во врска со исчезнувањето на Дуња Марковиќ, Обвинителството во Уб, надлежната полициска станица и Центарот за социјална работа вршат проверки и прибираат информации за околностите на семејните односи во семејството на малолетното девојче, изјавиле од Основното јавно обвинителство за српксите медиуми.
Игор Јуриќ од Центарот за исчезнати и малтретирани деца истакнува дека исчезнатото девојче Дуња Марковиќ имало голема среќа што било пронајдена живо и дека овој случај требало да послужи како сериозно предупредување.
„Мораме да бидеме свесни дека ова девојче преживеало со чиста среќа. Бевме буквално на чекор да не ја најдеме“, изјави Игор Јуриќ и додаде дека е неопходно да се утврди одговорност за исчезнувањето на Дуња Марковиќ.
„Некој мора да сноси одговорност за она што се случи. Треба да откриеме како едно дете може да ја напушти безбедната средина без никаков надзор и да биде доведено во опасност“, нагласи Јуриќ.
Регион
Голем пожар во Крагуевац: три лица итно евакуирани од запален стан

Во текот на ноќта голем пожар избувна во станбена зграда во Крагуевац на улицата Николе Пашица.
„Пожарот ги зафатил станот на вториот кат, влезната врата и дел од собите. Зградата беше во чад. Со брза реакција на спасувачите пожарот е локализиран, потоа изгаснат, а три лица се спасени и евакуирани од запалениот стан“, изјавил за РИНА еден од жителите.
Две лица, поради повреди, се пренесени на Клиничкиот центар за укажување лекарска помош.
Во интервенцијата учествувале 15 пожарникари со четири возила, а причината за пожарот ќе се утврдува по детаљна истрага, што ќе ја спроведе полицијата.
Регион
По вчерашните инциденти и тепачки во Собранието на Србија, Брнабиќ со порака до опозицијата: Ако немаат ништо посилно од шок-бомби и солзавец, да не се појавуваат

По вчерашните бурни настани, Собранието на Србија денеска од 10 часот ја продолжува седницата. Пратениците ја завршија принципиелната расправа за повеќе од 30 точки од дневниот ред, од 62 предложени, за збир закони од областа на образованието, даночниот систем, како и за меѓународни договори, закони за економија и кредитни аранжмани на државата.
Вчерашната седница беше прв собир на пратеници од ноември минатата година, а во центарот на вниманието се усвојувањето на измените на Законот за високо образование со цел исполнување на четвртото студентско барање, како и оставката на премиерот Милош Вучевиќ.
Претседателката на Собранието Ана Брнабиќ и порача на опозицијата дека ако немаат ништо посилно од шок бомби и солзавец и противпожарни апарати, да не се појавуваат, бидејќи тоа денеска нема да ги исплаши.
Медиумите потсетуваат дека наместо дискусија, првиот работен ден годинава го одбележаа многубројни инциденти. По поставувањето на дневниот ред, пратениците од опозицијата поставија димни бомби во собраниската сала, при што беа повредени три пратенички.
Освен димни бомби, со јајца фрлале и по пратеници и членови на Владата, а во еден момент го вклучиле и противпожарниот апарат.
Пратениците на опозицијата во текот на целиот ден со свирежи и вувузели, не учествуваа во расправата која пратениците на мнозинството ја продолжија и покрај сите инциденти.
Ана Брнабиќ изјави дека вчера пратениците од владејачкото мнозинство покажале до каде се подготвени да одат и да се борат за Собранието, институциите, за секој граѓанин на Србија.
„Пратениците на мнозинството денеска покажаа како се чува достоинството на Собранието, а опозицијата покажа дека сака да го погази не само достоинството на парламентот, туку и на Србија. Да се повлечевме по шок бомбите, ќе значеше дека секој див, силеџија, терорист и кукавица можеше да ја блокира работата“, рече Брнабиќ.
Претседателот на Србија, Александар Вучиќ, синоќа, говорејќи за нередите што ги предизвика опозицијата во Собранието, изјави дека тоа е „силеџиство, хулиганско однесување“ и дека за тоа бара кривично-правна одговорност.