Регион
Дачиќ: На Шаулиќ му дадоа некакво средство за успивање и веќе не се разбуди

Српскиот министер за внатрешни работи, Ивица Дачиќ, откри нови детали околу смртта на пејачот Шабан Шаулиќ, кој трагично загина во сообраќајна несреќа во неделата во Германија.
Дачиќ вели дека починатиот крал на народната музика, по несреќата, која се случи по настап, излегол од возилото без траги на видливи повреди, поради што смета дека мора да се преиспита причината за неговата смрт, пренесе „Блиц“.
„Шабан излезе од автомобилот, но беше во многу лоша состојба што практично мораа да направат некаква интервенција и да го однесат во болница. Беше лошо, но беше свесен. Тој излезе без траги на видливи повреди. Се пожали дека има проблеми со грлото, градите, дека нешто го мачи. Повикаа хеликоптер и му дадоа некое средство за успивање, по што тој веќе не се разбуди. Во болница се обидуваа да го реанимираат, го отворија и воочија дека дошло до компликации на аортата. Обвинителот сега бара обдукција за да се види поради што умрел“, изјави Дачиќ.
Тој рече дека е прашање на време кога телото на Шаолиќ ќе стигне во Белград. За него Шаолиќ бил многу добар човек, секогаш им помагал на младите пејачи.
„Тој сакаше да пее, има пејачи што ќе испеат две-три песни и пријатно. Тој беше во состојба да останат цела ноќ и пееше од душа. Еден е Шаулиќ, тешко некој да го замени, каде и да се свртиш, таму е Шабан, сите песни кои ги сакаме, се негови песни. Секако дека треба да биде погребан во Алејата на великаните“, нагласи Дачиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Четворица загинати во сообраќајна несреќа во Хрватска: нуркачите ги извлекоа телата од море, автомобилот бил изнајмен на аеродром

Четири лица загинаа во тешка сообраќајна несреќа што се случи вчера попладне на Јадранската магистрала во близина на Сењ. Патничко возило со загрепски регистарски таблички излета во морето кај населбата Буница, потврди тамошната полициска управа. Несреќата се случила кратко по 16:30 часот.
Итни служби веднаш беа испратени на местото на настанот, а во потрагата беа вклучени и нуркачи од Хрватската планинска служба за спасување од Госпиќ. По пристигнувањето на местото на несреќата, го пронашле возилото во морето. Според спасувачите, телото на едно лице пловело, додека нуркачите извлекле уште три тела од морето. Во автомобилот имало двајца мажи и две жени.
Телата се транспортирани во Институтот за судска медицина во Риека, каде што ќе се изврши обдукција за да се утврди причината за смртта и идентитетот на починатите. Полицијата потврди дека истрагата на лице место е завршена, но во тек е понатамошна кривична истрага за да се утврдат сите околности на несреќата.
Според неофицијални информации, возилото било изнајмено на аеродромот „Д-р Фрањо Туѓман“, што укажува на можноста починатите да биле странски државјани, објави РТЛ. Ова ќе биде познато дури по официјалната потврда на идентитетите.
фото: принтскрин
Регион
(Видео) Вучиќ збунето го бараше своето место на самитот во Данска, успеа да скрши стол

Претседателот на Србија, Александар Вучиќ, кој учествува на самитот на европските лидери во Копенхаген, повторно имаше проблем со седењето, пишува Нова.рс.
На социјалните мрежи кружи видео од српскиот претседател, на кое се гледа како влегува во просторијата каде што се одржува самитот и каде што сите присутни се сместени, освен тој. Наместо да седне на своето место, Вучиќ разгледуваше наоколу како да не му е јасно каде дошол или каде му е местото, или поточно, каде треба да седне.
Додека збунето разгледуваше низ просторијата, барајќи некој да му помогне, но бидејќи никој не му пријде на помош, тој се обиде да седне на туѓо столче. Сепак, веднаш му беше кажано дека не може да седи таму бидејќи седиштето е зафатено.
Stalna blamaža i neverovatan propust našeg protokola. Tužni sirak među vihorove dok izgubljena savetnica Jović pokušava da nađe mesto za baskuznu figuru.
Nije smešno jer oni vode i uništavaju Srbiju 13 godina i zaista tako bude kad nesposobne i alave stavite da vode važne državne… pic.twitter.com/UmAHUUSKgq— Borko Stefanović (@BorkoStef) October 2, 2025
Конечно, некој му донесе столче, а претседателот Вучиќ успеа да скрши дел од столчето, во обидот да седне.
фото: принтскрин
Регион
(Видео) Србија под снег: делови од земјата затрупани, патиштата блокирани

Почетокот на октомври донесе вистински зимски услови во делови од Србија. На Копаоник паѓа снег од синоќа, а и други делови од земјата побелеа, вклучувајќи ги Ивањица и Голија, што предизвика први проблеми во сообраќајот, објавува Нова.рс. Денес ќе биде постудено од вчера, со повеќе дожд и снег.
Паднати дрвја и блокади на патиштата
На социјалните мрежи се појавија видеа кои сведочат за последиците од првиот снег во сезоната. Во близина на Ивањица, дрвја паднаа на патиштата под тежината на снегот, блокирајќи го сообраќајот. Видео објавено на Инстаграм ги прикажува граѓаните како сами отстрануваат паднато дрво за да го расчистат патот.
Поради зимските услови на патот, на возачите им се препорачува да бидат исклучително внимателни и да ги одложат непотребните патувања.
фото: принтскрин