Регион
Двајца пациенти, ранети во масакрите во Србија, се уште се критични: „Не покажуваат знаци на закрепнување“

Двајца од повредените во трагедиите што се случија во Белград и во Младеновац се уште се во тешка состојба, а другите се опоравуваат, изјави денеска министерката за здравство Даница Грујичиќ.
„Некои се ослободени од инцидентот што се случи во околината на Младеновац и Смедерево. Едно момче е веќе пуштено од Смедерево, друго во моментот е на физикална терапија, се подготвува за отпуштање. Еден пациент веќе е пуштен во саботата, од Ургентниот центар, три момчиња се отпуштени од училиштето во кое се случи трагедијата“, изјави Грујичиќ за Телеграф.
Таа додаде дека момчето кое било во Клиничко-болничкиот центар „Драгиша Мишовиќ“ и сега е во Ургентниот центар, се уште е критично, а девојката која имала поголеми повреди денеска е подобро.
„Сите покажуваат знаци на закрепнување, освен девојката која е во Тиршова (Универзитетска детска клиника) и момчето кое има оштетувања на бубрезите и кое од „Драгиша Мишовиќ“ се пресели во Ургентниот центар“, рече Грујиќиќ.
Единаесет од нив моментално се на болничко лекување.
Министерката посочи дека сега не може да се тврди дали момчето со повреда на цервикалниот ‘рбет и постариот пациент со повреда на лумбалниот пршлен, кој беше застрелан во масакрот кај Младеновац, повторно ќе можат да одат.
„Тие се згрижени. Постариот пациент е опериран и значително е подобар. Ги нема болките што ги имаше пред операцијата. А момчето на кое му е оштетена вратната кичма покажува добри движења во левата рака, што дава надеж дека ќе закрепне со упорен физички третман.
Дали ќе можат да одат, во овој момент никој не може да каже. Претстои напорна работа за моите колеги на интензивна терапија, кои веројатно ќе се занимаваат со нив со месеци“, вели таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Намамил Црногорци дека ќе ги лекува и им зел 50.000 евра

Во голема полициска акција спроведена од Министерствата за внатрешни работи на Сараевскиот и Тузланскиот кантон, со поддршка на Агенцијата за разузнавање и безбедност на Босна и Херцеговина, беше уапсен 39-годишниот М.Х., осомничен за тешка кражба на околу 50.000 евра.
Според информациите од истрагата, М.Х. на 19 април 2025 година, во близина на Железничката станица во Сараево, украл пари од двајца државјани на Црна Гора. Осомничениот, познат како склон кон насилство и криминал, ги измамил жртвите така што им ветил дека ќе им помогне со алтернативни методи на лекување.
Под изговор дека ќе ги реши нивните здравствени проблеми, тој ги намамил на средба во Сараево, каде што им ги одзел парите.
По налог на обвинителството, полицијата извршила претрес на возилото, куќата и другите објекти што ги користел осомничениот во Лукавац, каде што бил и уапсен. При претресот биле пронајдени 20.500 евра, дел од украдените пари, како и „Порше Кајен“ вредно 28.000 евра, за кое постои сомнение дека било купено со присвоените средства.
Возилото е запленето, а М.Х. е пренесен во притвор на Министерството за внатрешни работи на Сараевскиот кантон, каде што против него продолжува кривичната постапка.
Регион
Камион налетал на запрен автомобил, загинаа сестри: тешка сообраќајна несреќа во Загреб

Две лица загинаа, а трето е повредено во тешка сообраќајна несреќа што се случи утрово на обиколницата на Загреб.
Хрватската полиција објави извештај за тешката несреќа во која настрадаа две сестри, а трето лице е повредено.
„Денес во 9 часот наутро, 40-годишен маж управувал камион со загрепски регистарски таблички, а се движел се по автопатот А3 во североисточен правец. При достигнувањето на 39-тиот километар, тој не ја прилагодил брзината на возилото на состојбата и карактеристиките на патот и атмосферските услови за да може навреме да го запре своето возило пред секоја пречка што можел да ја предвиди во специфичните услови.
Во таа прилика, предниот дел од возилото се судрил со задниот дел од патничко возило со дубровнички регистарски таблички управувано од 67-годишна жена, која се движела по десната лента од горенаведениот коловоз во правец североисток, и во моментот на судирот била запрена на горенаведената лента.
Како резултат на судирот, патничкото возило со дубровнички регистарски таблички било фрлено надесно, а неговиот преден дел се судрил со предниот дел од патничко возило со загрепски регистарски таблички управувано од 62-годишен маж, кој се движел по десната лента на автопатот А3 во правец североисток.
Во сообраќајната несреќа загинаа 67-годишниот возач на патничко возило со дубровнички регистарски таблички и 65-годишна сопатничка од возилото, додека 56-годишната сопатничка од истото возило е тешко повредена и ѝ е укажана лекарска помош во Клиничката болница Дубрава“, соопшти Полициската управа во Загреб.
Регион
(Видео) Еколошка катастрофа – нафта истече во Јадранското Море

Големи количини гориво истекоа во Јадранското Море на островот Хвар во Хрватска. Неофицијално, инцидентот се случил кога пукнал резервоар на танк на бензинската пумпа ИНА, објави „Далмација данас“.
Полицијата е на терен и се истражува како се случил инцидентот.
„Утрово, околу 9.30 часот, е примена информација дека во градот Хвар, заливот Крижна Лука, имало загадување со нафта во морето. Припадници на Полициската станица Хвар и Поморската полициска станица, пожарникари, Хрватската крајбрежна стража и припадници на Капетанијата на пристаништата се на местото на настанот. Покрај спроведувањето на постапката за санирање на штетите, ќе се спроведе и постапка за утврдување на сите факти и околности на настанот“, соопшти сплитската полиција.