Регион
Објавена фотографија од убиените деца, жртви на масакрот на Коста
![](https://makfax.com.mk/wp-content/uploads/2023/05/1.jpg)
Осум деца, кои вчера отишле во училиштето „Владислав Рибникар“ во Врачар, не се вратиле дома бидејќи нивниот училиштен другар тргнал во убиствен поход со два пиштола, што ги зел од сефот на својот татко.
Србија и целиот регион сè уште се во шок поради злосторството на Коста К., кој застрела осум ученици, седум девојчиња и едно момче, како и маж што работел како обезбедување во училиштето. Убиецот ранил и наставник и шест ученици, од кои двајца сè уште се во тешка состојба.
„Знаев дека се чувствува отфрлено, но ништо не забележав“. Ова на рочиштето го изјави таткото на момчето, кое го изврши масакрот во Врачар.
Сите убиени деца се родени во периодот од 2009 до 2011 година. Жртвите се седум девојчиња и едно момче, меѓу кои и еден француски државјанин, потврди Министерството за надворешни работи на Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Голем пожар во Атика во Грција, зафати куќи
![](https://makfax.com.mk/wp-content/uploads/2024/06/bfg.jpg)
Во пожарот што избувна денеска на истокот на Атика во градот Коропи, во Грција, изгореа неколку куќи, а пожарот го гаснат десетици пожарникари со помош на два авиона и четири хеликоптери.
Пожарот првин избувнал на паркингот за чамци во градот Коропи, а потоа се проширил, пренесува „Катимерини“.
Според Противпожарната служба, се работи за сериозен пожар додека противпожарната единица прави напори за негово локализирање.
Регион
Првата пресуда за масакрот во селата кај Младеновац: вујкото на Урош Блажиќ ослободен, братучедот осуден на 18 месеци
![](https://makfax.com.mk/wp-content/uploads/2023/05/mladenovac-uros-blazovic.jpg)
Борис Гавриловиќ, братучед на Урош Блажиќ, е осуден на 18 месеци затвор, а Горан Гавриловиќ, вујкото на убиецот, е ослободен.
Ним како соизвршители им судеше Вишиот суд во Крагуевац за кривично дело недозволено изработување, држење, носење и тргување со оружје и распрскувачки материи.
На Урош Блажиќ му се суди за убиство на девет и ранети 12 лица во Дубона и Мали Орашје во страшниот масакр што се случи на 4 мај минатата година. По извршувањето на делото, Блажиќ побегнал во викендицата на својот вујко во Крагуевац, каде што се криел додека не бил уапсен на 5 мај во утринските часови.
Судењето на Урош Блажиќ ќе продолжи во судницата на Централниот затвор во Белград бидејќи во мај годинава прелиминарното рочиште беше одложено по инцидентот што се случи кога родителите на убиените деца од овие две места го нападнаа убиецот кога тој влезе судницата.
Регион
Петковиќ: Приштина има тенденција да го преувеличува бројот на жртви на сексуално насилство
![](https://makfax.com.mk/wp-content/uploads/2024/06/јк-1.jpg)
Директорот на Канцеларијата за Косово, Петар Петковиќ, денеска, по повод Меѓународниот ден на борбата против сексуалното насилство во конфликти, соопшти дека политичарите во Приштина, на чело со Аљбин Курти, ги злоупотребуваат жртвите на сексуално насилство за време на конфликти на дневна основа за политички цели и имаат тенденција да го преувеличуваат бројот на жртвите повеќекратно.
„Курти и неговите соработници со години зборуваат за 20.000 жртви на сексуално насилство на Косово за време на конфликтот во 1999 година иако надлежната институција во Приштина го потврди статусот на жртви на сексуално насилство за помалку од илјада луѓе. Овие официјални податоци стојат и во извештајот на генералниот секретар на ОН од 1 октомври 2020 година“, забележува Петковиќ.
Директорот на Канцеларијата на Владата на Србија за Косово истакнува дека „истовремено никој не ги спомнува српските цивили, кои беа брутално малтретирани и силувани од припадниците на терористичката ОВК во Приштина, иако оваа појава беше масовна“.