Регион
Ердоган за бегалската криза: Не знам што ќе направи Грција ако ја отвориме вратата
![](https://makfax.com.mk/wp-content/uploads/2021/04/turska_vojska_erdogan1_foto_sdilustracijaprofimedia.jpg)
Турскиот претседател, Реџеп Таип Ердоган, реагира на изјавите на грчкиот премиер Киријакос Мицотакис за тоа како Турција ја предизвикала бегалската криза.
Тој рече дека Грција е земја што ги дупчи чамците за мигрантите и ги испраќа во смрт, пренесе агенцијата „Анадолија“.
„Да се каже дека бегалската криза ја предизвикала Турција, навистина е израз на неблагодарност. Пред сѐ, Грција е земја што дупчеше чамци за бегалците во Егејското и Средоземното Море, со што ги осуди на смрт. Ги имаме сите докази. може да му каже на светот, а можеби и да го измами. Но, вие не ја сакате Турција“, рече Ердоган по разговорот со унгарскиот премиер Виктор Орбан.
Тој потсети дека Турција на своја територија примила речиси пет милиони бегалци.
„Речиси четири милиони од нив се од Сирија, некои од Ирак, Авганистан. Неблагодарно е да се каже проблемот со бегалците произлегува од Турција, и тоа за земја што прими приближно пет милиони бегалци. Не знам што ќе направи Грција ако ја отвориме вратата“, рече Ердоган.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.