Регион
Ердоган сака членство во Шангајската организација за соработка

Турскиот претседател Реџеп Таип Ердоган изјави дека сака членство на Турција во Шангајската организација за соработка (ШСО).
Оваа информација денеска ја објави турската телевизија НТВ и други медиуми. Тој разговараше со новинарите по учеството на самитот на ШСО во Узбекистан пред да замине за САД.
„ Со овој чекор нашите односи со овие земји ќе имаат сосема поинаква позиција“, изјави Ердоган пред новинарите во својот авион.
На прашањето дали Турција сака формално да се приклучи на групата, претседателот потврдно одговори.
„ Секако, тоа е целта“, рече тој.
Турција во моментов е преговарачка земја на ШСО, чии членки се Кина, Русија, Индија, Пакистан, Иран, Киргистан, Таџикистан, Казахстан и Узбекистан. Исто така, има четири земји набљудувачи – Авганистан, Монголија, Белорусија и Иран – кои сакаат да станат полноправни членки на блокот, а две други земји веќе се во процес на пристапување.
Турција, заедно со Ерменија, Азербејџан, Камбоџа, Непал и Шри Ланка, во моментов е препознаена како посебен „дијалог партнер“ на групата.
ШСО, исто така, го иницираше процесот за доделување таков статус на Египет, Катар и Саудиска Арабија уште во септември 2021 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ и Путин ќе се сретнат во Кина

За време на посетата на Кина, претседателот на Руската Федерација, Владимир Путин, ќе се сретне со претседателот на Србија, Александар Вучиќ, изјави за медиумите помошникот на рускиот претседател, Јуриј Ушаков.
Путин ќе биде во Кина од 31 август до 3 септември, а ќе присуствува и на церемониите по повод 80-годишнината од крајот на Втората светска војна, како и на неколку билатерални средби.
Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин