Регион
Почнува судскиот процес против Додик

Судот на БиХ ги отфрли сите приговори на адвокатот на Милорад Додик на потврденото обвинение на Обвинителството на БиХ, кое ги товари Додик и Милош Лукиќ, в.д. директор на „Службен весник на Република Српска“, поради непочитување на одлуките на високиот претставник за Босна и Херцеговина, Кристијан Шмит.
Адвокатите на Додик во своите приговори тврдеа дека кривичното дело за кое е обвинет Додик не постои бидејќи Шмит е незаконски претставник. Со отфрлање на сите приговори почнува судскиот процес за Додик, пишува „Дневни аваз“.
Претходно, двапати беа одбиени барањата на одбраната на Додик за изземање на судијката Јасмин Дедовиќ-Ќосиќ, која го потврди обвинението и сега ги отфрли приговорите. Бидејќи за ова дело е предвидена затворска казна помала од пет години, на Додик ќе му суди судија поединец. Но, кој ќе биде, ќе се избира по случаен избор, поточно ќе го избира системот за автоматско водење на предмети во судовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.
Регион
Србинка извлечена мртва од морето во Грција, наредена обдукција: детали за ужасот на Халкидик

Седумдесет и тригодишна жена од Србија била извлечена во несвест од морето на полуостровот Касандра во Грција и однесена во болница, каде што била прогласена за мртва, објавија грчките медиуми.
Сè се случило во градот Сивири на Халкидик, популарно одморалиште кај туристите од регионот.
Таа беше извлечена од морето во средата попладне.
Веднаш беше известена Пристанишната управа на Неа Мудања, а 73-годишната жена беше пренесена со амбулантно возило на ЕКАБ во Здравствениот центар во Касандра, каде што беше констатирана смрт.
Вториот оддел на пристаништето Неа Мудања, при Централната пристанишна управа на Солун, која ја спроведува прелиминарната истрага, нареди обдукција во Службата за судска медицина во Солун.
Регион
Тело на Србинка извлечено од морето во Грција

Седумдесет и тригодишна Србинка е пронајдена мртва во морето крај брегот на Касандра, Грција, пренесе српски Телеграф.
Таа е пронајдена во несвест во морето крај брегот на Касандра на Халкидики во среда околу пладне и со брза помош е пренесена во Здравствениот центар во Касандра, каде што е констатирана смрт.
Според информациите, истрагата е во тек, а ќе биде извршена и обдукција, јавува грчката агенција АНА.