Регион
Захариева за Дачиќ: Не може министер да си дозволува да се губи во преводот
Уште еднаш покажуваме колку емоции постојат во политиката на Балканот. Јас сакам да има повеќе разум и мудрост, а помалку емоции. Вака вицепремиерот и министер за надворешни работи Екатерина Захариева ја искоментира изјавата на српскиот министер за надворешни работи, Ивица Дачиќ, по коментарот на бугарскиот премиер Бојко Борисов за Косово.
„Еден министер за надворешни работи како Дачиќ не смее да си дозволи да се губи во преводот, треба да го разгледа точно и прецизно она што го кажал премиерот, претседателот или министерот за надворешни работи. Прво, ЕУ не ги признава државите и ниту една организација не ги признава државите – тие се признати од самите држави. Тоа го кажува и премиерот Борисов, кој одговара на новинарско прашање дали ќе се забави европската интеграција на Западен Балкан, откако Шпанецот е поставен за иден шеф на дипломатијата на ЕУ. Шпанија е една од петте земји-членки на ЕУ кои не ја признале независноста на Косово – дали тоа нема да влијае негативно на целиот процес на Балканот. И тогаш премиерот Борисов апсолутно коректно и политички, и правно го кажа тоа – кога ќе станеш комесар, ти не ги штитиш националните интереси, туку интересите на Унијата. И следниот дел од одговорот е дека без оглед на тоа што Шпанија не го признала Косово, тој би требало да се усогласи со останатите нас кои сме го признале. Не гледам зошто оваа изјава ја запали целата таа емоција во Ивица”, додаде Захариева, пренесе „БГНЕС“.
Таа рече дека Бугарија нема да трпи такви емоции, уште повеќе кога не разбираат од што се истите предизвикани.
„Премиерот Борисов, исто така, верува дека не треба да бидеме толку емотивни, и треба да ја разјасниме ситуацијата“, вели Захариева.
Министерката нагласи дека Бугарија не сака тензии со никого во светот, а најмалку со соседите, па затоа изрази надеж дека недоразбирањето наскоро ќе биде решено.
Вчера српскиот министер за надворешни работи, Ивица Дачиќ, му порача на бугарскиот премиер Бојко Борисов да го почитува ставот на ЕУ за независноста на Косово, а не да му држи лекции на новиот шеф на дипломатијата на ЕУ.
По изјавата во двете земји Министерствата за надворешни работи ги повикаа на разговор амбасадорите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.
Регион
Изгласана новата влада на Хрватска: Пленковиќ по трет пат стана премиер
Пратениците во хрватскиот Сабор вечерва гласаа за доверба на новата влада на премиерот Андреј Пленковиќ. За доверба на Владата гласаа 79 пратеници, против беа 61 пратеник, а еден беше воздржан.
Претседателот и членовите на Владата потоа дадоа заклетва пред пратениците, со што Андреј Пленковиќ го започна третиот последователен мандат како премиер.
Во Собранието денеска беше претставена четиригодишната програма на новата Влада, која се заснова на „успешна, витална, праведна, одржлива и суверена Хрватска“.
Во новиот мандат, владата на Пленковиќ најавува просечна нето плата од 1.600 евра, минимална бруто плата од 1.250 евра, како и отворање на 125.000 нови работни места.
До крајот на мандатот на новата влада, пензиите треба да се зголемат за најмалку 30 отсто, со што просечната пензија би изнесувала најмалку 750 евра.
Новата влада наместо досегашните 16 ќе има 18 министерства и седум потпретседатели.
Регион
Дачиќ и Весиќ: Човечки фактор е причина за судирот на возовите
Министерот за внатрешни работи Ивица Дачиќ изјави дека причина за судирот на возовите во тунелот, во кој нема жртви, е човечки фактор, а министерот за транспорт Горан Весиќ изјави дека се повредени 13 патници, од кои четворица се однесена во ургентен центар.
– Возот помина низ безбедносното светло и удри во товарен воз кој чекаше дозвола да оди до станицата Овча – изјави Весиќ.
Дачиќ за новинарите изјави дека често има жртви во несреќи како оваа и дека е вистинска среќа што во денешниот судир нема жртви и што сите патници излегле од возот.
„Најважно е да нема жртви“, изјави Дачиќ за новинарите.
Началникот на Секторот за вонредни состојби на МВР, Лука Чаушиќ, кој излезе на местото на настанот заедно со министрите Дачиќ, Весиќ и директорката на претпријатието „Инфраструктура железнице Србија“ Јелена Танасковиќ, изјави дека во 18 часот и 42 минути добиена е дојава за судирот, по што на терен излегле вкупно 25 пожарникари.
– Пристигнувајќи на местото на настанот во 18 часот и 48 минути, констатирано е дека возот за итни случаи се судрил со патнички воз во тунелот на длабочина од 400 метри од влезот – изјави Чаушиќ.
Тој додаде дека четири лица биле извлечени низ тунелот за евакуација. Дачиќ рече дека најважна улога имаат пожарникарите, бидејќи лекарите од итната помош не можеле да дојдат до патниците.
Министерот за транспорт Горан Весиќ изјави дека деталите за несреќата ќе се знаат кога Комисијата „Железничка инфраструктура на Србија“ ќе објави официјален извештај, кој се очекува во текот на утрешниот ден.