Регион
За навреда кон НАТО 10.000 евра казна во Црна Гора
Секој кој во иднина ќе се потсмеваа на НАТО во Црна Гора може да биде казнет со парична казна од три илјади до 10.000 евра. Слична казна е предвидена и за навреди упатени кон ОН, Меѓународниот Црвен крст или други меѓународни организации во кои членува оваа земја.
Според црногорските медиуми ова прашање е регулирано со кривичниот закон во членот за „Нарушување на угледот на странска држава или меѓународна организација”.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Денеска ќе се одлучува за притворот за 12 уапсени поради трагедијата во Нови Сад
Сите уапсени поради падот на настрешницата на Железничката станица во Нови Сад денеска ќе бидат сослушани, објави српски Блиц. Како што јавуваат, после тоа судот ќе донесе одлука за евентуален притвор.
Вишото јавно обвинителство во Нови Сад вчера соопшти дека се уапсени и приведени вкупно 12 лица во врска со трагедијата во Нови Сад, кога падна настрешница на железничката станица во Нови Сад, а вкупно 15 лица го загубија животот, додека двајца се тешко повредени.
Меѓу уапсените се Горан Весиќ, до неодамна министер за градежништво, транспорт и инфраструктура, потоа Анита Димовски, в.д. помошник министер за железници и интермодален транспорт и Јелена Танасковиќ, до неодамна вршител на должноста директор на „Српска железничка инфраструктура“. Горан Весиќ поднесе оставка на 5 ноември, додека Јелена Танасковиќ во средата.
Порталот Република јавува дека меѓу уапсените е и Небојша Шурлан, поранешен директор на „Српската железничка инфраструктура“, кој на оваа функција беше до март годинава, кога поднесе оставка.
Регион
Додик го брани Нетанјаху: Ќе направиме се институциите на БиХ да не ја спроведат оваа одлука
Претседателот на ентитетот Република Српска (РС), Милорад Додик, ја коментираше одлуката на Меѓународниот кривичен суд да издаде налог за апсење на израелскиот премиер Бенјамин Нетанјаху. Како што пренесува Кликс.ба, Додик оваа одлука ја нарече целосно неразумна.
„Се испостави дека меѓународниот правосуден систем се користи како политичка алатка. Со обвинувањето на премиерот на Израел, земја која беше нападната од терористичка организација, тој суд дополнително се девалвира“, рече Додик, додавајќи дека ентитетот на чело од него ќе направи се институциите Босна и Херцеговина да не ја спроведат оваа одлука.
Меѓународниот кривичен суд издаде налози за апсење на израелскиот премиер Бенјамин Нетанјаху и поранешниот министер за одбрана Јоав Галант. Како што наведуваат во соопштението, тие се обвинети за воени злосторства и злосторства против човештвото извршени на палестинските територии, вклучително и Газа.
Регион
Земјотрес во Босна и Херцеговина, се почувствува и низ цела Хрватска
Земјотрес со јачина од 3,5 степени според Рихтеровата скала ја погоди Босна и Херцеговина утрово околу 9:15 часот. Епицентарот на земјотресот бил на 31 километар северозападно од Мостар или 11 километар југозападно од Јабланица, јавува Европско-медитеранскиот сеизмолошки центар (EMSC).
– Наеднаш посилно се тресеше, кратко траеше – пишува човек од Широки Бријег на апликацијата EMSC. Коментари имаше и од југот на Хрватска. Тие наведуваат дека земјотресот бил силно почувствуван на Имотски, Макарска и други места.
– Се почувствува силна бучава и потреси – наведуваат граѓаните на Босна и Херцеговина.