Регион
За 24 часа во Србија 444 пожари, спасени шест лица
Во последните 24 часа се евидентирани 444 пожари во Србија и се спасени шест лица. Се апелира до сите граѓани со одговорно однесување и совест да помогнат во борбата против огнените стихии.
„Пожарникарите и спасувачите вложија натчовечки напори да го изгаснат пламенот, но вашата поддршка е клучна! Секоја невнимателно фрлена цигара, секој неконтролиран пожар во природата може да предизвика катастрофа“, се вели во соопштението на МВР на Србија објавено на социјалната мрежа Инстаграм.
Оттаму додаваат дека пожарникарите-спасувачи ги ризикуваат своите животи гаснејќи пожари во тешко пристапните подрачја, како што се Специјалниот природен резерват „Клисурата на реката Милешевка“, планината Видлич кај Пирот, Мокра Гора и многу други области каде природата е скапоцена.
„Приклучете се во борбата против пожарот со вашата свесност и одговорно однесување. Запомнете, вашата претпазливост може да значи разлика помеѓу животот и смртта, помеѓу зачуваната природа и непоправливата штета. Не ризикувајте. Да ја заштитиме природата, да заштитиме животи“, се вели во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вархеји: Добра средба со Вучиќ за спроведување на следните чекори, планот за раст во полн ек
Европскиот комесар за соседска политика и проширување Оливер Вархеји денеска изјави дека имал добра средба со српскиот претседател Александар Вучиќ во Брисел за да ги подготви следните чекори во време кога се започнуваат „амбициозните реформи засновани на реформската агенда на Србија“.
Вархеји на социјалната мрежа Х оцени дека новиот План за раст на Западен Балкан вреден шест милијарди евра е во полн ек.
„На маргините на состанокот на лидерите од Западен Балкан, имав добар состанок со претседателот Александар Вучиќ за да ги подготвам следните чекори додека започнуваме амбициозни реформи врз основа на реформската агенда на Србија. Новиот план за раст од 6 милијарди евра е веќе во полн ек. Повеќе реформи, повеќе поддршка!“, рече Вархеји.
Регион
Експлозија во Нови Сад: едно лице повредено
Едно лице е повредено денеска кога се случила експлозија во Нови Сад.
Дошло до експлозија на плинска боца.
Повредениот веднаш бил пренесен на Ургентниот центар, но за сега не се знае за сериозноста на повредите. Истрагата е во тек, а по задолжителниот увид, се очекува на самото место да излезат екипи на компанијата „Нови Сад гас“.
Регион
Три девојчиња претепале врсничка пред училиште во Панчево
На социјалните мрежи се појави снимка од тепачка што се случи синоќа во Панчево, а според првите информации, се работи за тинејџерки, инаку малолетни.
На видеото се гледа како три девојчиња ги тепаат своите врсници.
Околу нив има голем број луѓе, но никој не се обидува да ги спречи во насилството. Во еден момент претепаното девојче паѓа на бетонот, но трите врснички продолжуваат да ја удираат по главата по што некој од присутните ги раздвојува.
Од полициската управа во Панчево велат дека веднаш ги презеле сите дејства за идентификување на учесниците и утврдување на околностите, но дека самиот случај не бил пријавен во полиција од ниту еден од учесниците. Исто така, потенцираа дека по сознанијата за актерите на инцидентот, ќе се консултираат надлежното обвинителство и судот.