Регион
Изетбеговиќ: Додик сака во 2018-та да ја отцепи Република Српска од БиХ, но тоа нема да му успее

Претседателот на Република Српска, Милорад Додик, преку „изрежиран удар на Уставниот суд“, ги тестира реакциите и ги отстранува препреките за референдумот за отцепување на Република Српска од Босна и Херцеговина (БиХ), најавен за 2018-та година, изјавил бошњачкиот член на Претседателството на БиХ, Бакир Изетбеговиќ, пренесуваат тамошните медиуми.
Изетбеговиќ додал дека нема да се согласи на измени на законот за Уставниот суд на БиХ, потенцирајќи дека тој витален дел од Дејтонскиот договор.
„Уставиот суд на БиХ и витален и неодделив дел од целосниот Дејтонски уставен аранжман, централниот штаб на правниот поредок на државата. Уставниот суд обезбедува заштита на суверенитетот и територијалниот интегритет на БиХ и е единствен механизам за отстранување на блокадите во системот на одлучувањето и решавањето на внатрешно правните спорови во БиХ“, рекол Изетбеговиќ.
Босанскиот политичар додал дека „не е најмалку случајно тоа што Милорад Додик се обидува да изрежира удар на Уставниот суд, веднаш по оддржувањето на антиуставниот референдум“.
„Она што е цел е тестирање на реакциите и отстранување на препреките за реализација на Декларацијата за самостојна Република Српска, усвоена на конгресот на партијата на Додик, СНСД, во април 2015-та, со која за 2018-та се најавува распишување на референдум за отцепување на овој ентитет од Босна и Херцеговина. Тоа е опција која нема, и не може и не смее да помине“, потенцирал Изетбеговиќ.
Тој рекол дека „надлежностите, начинот на одлучување и составот на Уставниот суд се уставна категорија која може да се менува само со измена на Уставот на БиХ“, додавајќи дека „под овие услови таквите промени се неприфатливи“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Очекувам да се сретнам со Доналд Трамп во следните два месеци

Српскиот претседател Александар Вучиќ изјави дека се надева дека ќе се сретне со американскиот претседател Доналд Трамп во следните два месеци.
„Очекувам да ја имам таа средба. Тој е премногу зафатен, секогаш е можно нешто да се смени, датумот се уште не е одреден, но знаете дека јас сум многу внимателен кога зборувам за тоа. Тоа би било огромна чест за нашата Србија и верувам дека е изводливо“, изјави Вучиќ.
Зборувајќи за вчерашниот телефонски разговор со францускиот претседател Емануел Макрон, како и за нивната средба во април, Вучиќ рече дека секогаш имаат неколку важни теми за разговор.
„Вчера поминавме низ неколку важни теми. Понекогаш разговараме ненадејно. Како што оди по државен протокол, тоа е закажано и се чека пет до седум дена“, рече Вучиќ.
Регион
Продолжен притворот за 10 осомничени за уривање на настрешницата во Србија

Високиот суд во Нови Сад го продолжи притворот на осомничените во истрагата за уривањето на настрешница на Железничката станица во Нови Сад на 1 ноември за уште 30 дена, соопштија од Вишиот суд во Нови Сад.
Продолжен е и куќниот притвор на сите осомничени.
На крајот на минатата година беше поднесен обвинителен акт против 13 лица.
Регион
Деканката на филозофскиот факултет од Ниш нападната со нож, вечерва собир за поддршка

Вечерва во Ниш се случува собир за поддршка на нападнатата деканка Наталија Јовановиќ.
Студентите велат дека ова е втор напад врз деканката Наталија Јовановиќ, но и уште еден во низата напади врз оние кои сакаат на фер начин да дојдат до вистината.
„Никогаш не сме молчеле за насилството, ниту ќе поминеме со наведнати глави покрај него. Ги повикуваме сите граѓани кои се желни за правда да ни се придружат на овој митинг“, се вели во повикот.
Деканката на Филозофскиот факултет на Универзитетот во Ниш, Наталија Јовановиќ денеска беше повредена со нож за време на собир на студенти и други граѓани.
Таа беше пренесена во Ургентниот со исеченица на раката, а потоа пуштена на домашно лекување.
„Доживеав голем стрес, останува само да се распарчиме. Нема потреба вака да продолжат тензиите, а знаеме кој ги шири, обвинувам една личност, таа ми извади нож, а тоа е претседателот на оваа држава“, изјави Јовановиќ, пренесе Н1.
За нападот уапсена е 69 годишна жена, поради сомнение дека сторила кривично дело насилничко однесување на спортски настан или јавен собир.