Регион
Исплашени, учениците одбиваат да се вратат на училиште: сведоштво на родител по масакрот во Белград
По големата трагедија во ОУ „Владислав Рибникар“ кога ученикот од седмо одделение К. К. (13) уби осуммина свои другари, како и училишниот чувар, а рани уште шест ученици, како и наставничката по историја, родителите од ова училиште одржале седница на која разговарале за интеграција на децата во заедницата по масакрот.
Еден од родителите што присуствуваа на седницата зборуваше за „Телеграф.рс“.
„Многу родители, дури 60 % од нив, сакаат децата да се интегрираат во заедницата, но не во истата зграда каде што се случило злосторството“, вели тој за медиумот и појаснува дека нивното барање не е децата да бидат трајно испишани од ова училиште, туку решението да биде привремено.
Таткото истакнува дека многу деца одбиваат да се вратат на училиште и се плашат воопшто да влезат во него, многумина се плашат да излезат од сопствените станови.
Тој открива дека било предложено барање за реновирање.
„Кога го спомнавме реновирањето, не планиравме да направиме ‘Дизниленд’ за децата, ништо мегаломанско, туку да ги реновираме просториите во кои се случи крвавото злосторство. Пред сè, влезот во училиштето, ходниците, да се изолира местото на злосторството, децата што се враќаат на училиште да не ја доживеат повторно траумата, а учениците што ќе одат во тоа училиште да не покажуваат со прст“, објаснува таткото.
Родител на ученик од ова училиште потврдува дека на утрешната седница во училиштето ќе присуствуваат и членови на МУП:
„Нивната поддршка ни значи многу, но би сакале да се договориме и со градската управа да им обезбеди простор на децата да се интегрираат во заедницата додека не ги поправат просториите на училиштето“, додава тој.
Од денеска во 8 часот во сите училишта почна да се спроведува една од шесте мерки предложени од претседателот Александар Вучиќ по масовното пукање во ОУ „Владислав Рибникар“, во училиштата се распоредени уште 1.200 полицајци, а се очекува учениците на 10 мај да се вратат во клупите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.