Регион
Италија испраќа уште 49 мигранти во Албанија врз основа на договор со Тирана

Брод на италијанската морнарица денеска пристигна во Албанија со 49 мигранти пресретнати во меѓународните води, кои бараат азил и сместување во специјални албански мигрантски центри, според контроверзниот договор меѓу Италија и Албанија.
Ова е трет обид да се испратат мигранти во Албанија според тој договор откога се појавија пречки во италијанските судови поради претходните обиди.
Италијанското Министерство за внатрешни работи не ја прецизира националноста на мигрантите донесени во Шенѓин, кој се наоѓа на 66 километри северозападно од главниот град Тирана, но италијанските медиуми објавија дека тие се од Бангладеш, Египет, Брегот на Слоновата Коска и од Гамбија.
Новиот обид за обработка на мигранти во Албанија следува по двата претходни неуспешни обида во октомври и ноември кога италијанските судии одбија да одобрат притвор на две мали групи мигранти во албанските центри, договорен според контроверзниот договор меѓу Италија и Албанија.
Судовите одлучија дека земјите на потекло на овие мигранти не се доволно безбедни за овие центри да одлучат да ги вратат кај нив.
Случаите се упатени до Европскиот суд на правдата, кој претходно пресуди дека барањата за азил не може да бидат предмет на забрзана постапка, што може да доведе до враќање на мигрантите во земјите на потекло, кои не се сметаат за целосно безбедни. Европскиот суд на правдата треба да го разгледа случајот на 25 февруари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Уапсена е мајката која го оставила бебето во Белград: било заврзано во кеса

По наредба на Вишото јавно обвинителство во Белград, полицијата ја уапси А.С. (2006), мајка за која постои сомнение дека го оставила своето седумдневно бебе покрај контејнер во Земун, пренесува „Блиц“.
Жената според медиумот е обвинета за обид за тешко убиство.
Бебето го пронашол случаен минувач околу 8:20 часот утрово. Било завиткано во крпи и врзано во кеса.
Според Маја Миладиновиќ, жената што го пронашла бебето, новороденчето тивко плачело, дека нејзиниот крик звучел како „мјаукање“.
– Го шетав кучето како секое утро по улицата Дунавска во Земун кога забележав дека нешто се движи зад контејнерот. Мислев дека лази, но кога се приближив видов дека е бебе. Бебето едвај дишеше и беше сино – вели таа.
Според неа, бебето било завиткано во пешкир.
Како што објави „Блиц“, детето било оставено зад контејнерот, меѓу грмушки и на куп ѓубре.
Екипата за итни случаи го транспортирала бебето во породилиштето во Земун, пишува Танјуг.
Фото: принтскрин
Регион
Министерството за внатрешни работи на Србија: Дачиќ примил плик со три куршуми во него

Српското Министерство за внатрешни работи соопшти дека вчера во зградата на владата на Република Србија е пронајден плик адресиран до вицепремиерот и министер за внатрешни работи, Ивица Дачиќ, во кој имало три куршуми.
Сомнителната пратка е откриена вчера за време на безбедносна проверка на рендгенски уред при сортирање пошта. Истрагата утврдила дека пликот бил предаден два дена претходно во филијалата на поштата на Србија во Пожаревац.
Полицијата го идентификувала и го пронашла лицето што го доставило пакетот, а истрагата за сите околности на настанот е во тек.
Министерството соопшти дека ги презема сите законски пропишани мерки и дејства со цел да се заштити безбедноста на граѓаните и на институциите.
Фото: принтскрин
Регион
Четиригодишно дете од Србија за малку ќе се удавело на Халкидик: уапсен таткото

Четиригодишно момче од Србија за малку ќе се удавело вчера на плажа на Халкидик, а полицијата го уапси таткото по инцидентот, пренесуваат медиумите во регионот.
Вистинската драма се одвиваше вчера попладне на плажата Калитеа, во општина Касандра, кога четиригодишно момче од Србија речиси ќе се удавело додека беше на одмор со своето семејство во Грција.
Според крајбрежната стража, откога на четиригодишното момче му беше укажана прва помош од спасувач на плажата, тоа беше пренесено со брзата помош првин во Здравствениот центар – Касандра, а потоа во Општата болница на Халкидик за понатамошен медицински третман.
Потоа полицијата го уапси таткото на момчето за прекршување на член 306 од Кривичниот законик. Не е познато дали детето било само во водата во времето на инцидентот.
Фото: принтскрин