Регион
Киднапирале маж во Белград, го врзале, го мачеле, тој се обидел да побегне и паднал од 27 кат

Вишото јавно обвинителство во Белград покрена истрага против четворица осомничени за незаконско лишување од слобода на Б.Б. од 25 до 26 јули 2024 година, што го извршиле на брутален начин, поради што Б.Б истиот ден починал, пренесуваат српските медиуми.
Полицијата се сомнева дека четворицата киднапери го малтретирале белграѓанецот прво во викендица на Фрушка гора, а потоа во стан на Коњарник во Белград, каде што го врзале за радијатор и го тепале со раце и нозе по главата и телото. Во еден момент мажот успеал да се ослободи, а потоа преку терасата се обидел да побегне од станот на 27 кат, а при бегството паднал на бетонот пред зградата и починал на лице место.
„Постои основано сомнение дека осомничените од 25 до 26 јули 2024 година заеднички го задржале и ја ограничиле слободата на движење на повредениот Б.Б., кој бил претепан и малтретиран прво во викендица на Фрушка гора, а потоа и во стан во Коњарник, каде што го држеле врзан за радијаторот и го тепале со раце и нозе во пределот на главата и телото, а сето тоа поради долговите што им ги имал Б.Б.
Во еден момент Б.Б., успеал да се ослободи, потоа се обидел да побегне од станот, а во таа прилика од терасата на станот, која е на 27 кат од зградата, паднал на бетонска површина и починал на лице место.
После тоа, осомничените еден по еден го напуштале станот, собирајќи го ѓубрето, отпушоците и пластични врвки кои ги користеле при противправното лишување од слобода на жртвата.
Во врска со смртта на Б.Б., постои сомневање дека осомничените постапиле несовесно, односно биле свесни дека може да дојде до смрт на жртвата како последица на нивните дејствија, но лесно сфатиле дека тоа нема да се случи“, објави полицијата, според тамошните медиуми.
Еден од осомничените е уапсен, додека другите тројца се во бегство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Вучиќ: Успеавме да ги одложиме санкциите на САД врз српската нафтена индустрија

Српскиот претседател Александар Вучиќ денес изјави дека САД го одложиле воведувањето санкции против Нафтената индустрија на Србија (НИС) за осум дена со цел, како што рече, „за да покажат почит кон Србија“.
„Им благодарам, сакаа да покажат почит, да ни кажат дека нè слушаат и ја разбираат нашата позиција. Благодарам за тоа, но дали добивме нешто суштинско? За седум дена, ќе го имаме истото прашање, а јас сè уште нема да го имам одговорот“, рече Вучиќ во Обреновац, каде што учествуваше на граѓанскиот марш против блокадите.
Тој додаде дека ќе има реакција од Србија и од самата НИС и кон американската страна и кон другите партнери кога станува збор за нови понуди.
„Верувам дека ова е добро, но дали ќе биде доволно и дали ова е она што го сакаат Американците – ќе видиме“, рече Вучиќ.
Санкциите на САД против НИС требаше да стапат во сила на 1 октомври, но рокот сега е одложен барем до 9 октомври.
фото: принтскрин
Регион
Албанија продолжува со рекордни бројки на странски туристи

Албанија продолжува со рекордни бројки на странски туристи, која во периодот јануари – август ја посетиле околу девет милиони.
Албанскиот Институт за статистика објави податоци што потврдуваат дека влезот на странски државјани е за 5,2 отсто поголем ако се спореди со истиот период пред една година, кога беа регистрирани вкупно 8,5 милиони странски државјани.
Само во август бројот на странски државјани кои влегле на албанска територија е 2,3 милиони, што е зголемување од 9,9 отсто, во споредба со истиот месец минатата година.
Албанската економија имаше корист од странските туристи од 2,1 милијарди евра за само шест месеци, до кога ја посетиле 4,76 милиони странци. Овие бројки потврдуваат дека 2025 година ќе биде уште пооптимистичка во однос на туризмот во земјата, додека приходите се очекува да се зголемат за околу 7,7 отсто во споредба со лани.
Се очекува приливот на туристи да продолжи и есенва, со што ќе се продолжи туристичката сезона во земјата. Туроператорите известуваат дека резервациите се високи и за септември и за октомври.
Минатата година Албанија ја посетиле над 11,7 милиони туристи или 15,2 отсто повеќе од претходната година. Очекувањата за годинава се над 12 милиони туристи.
Регион
Жена убиена на свадба во центарот на Шибеник, ја погодила ракета

Жена е повредена кога пиротехничко средство – сигнална ракета – било испукано во близина на катедралата „Свети Јаков“ во Шибеник синоќа, и починала од повредите во болница, соопшти хрватската полиција.
Во соопштението од полициската управа Шибеник-Книн се додава дека е уапсен 52-годишен маж, пренесува Хина. Во тек е кривична истрага, соопшти полицијата.
Хрватските медиуми неофицијално известуваат дека несреќата се случила за време на свадбена прослава, кога осомничениот испукал ракета.