Регион
Косово бара од Србија да ги предаде напаѓачите бегалци; Вучиќ: „Немаме врска со тоа“

Косово побара од Србија да ги екстрадира српските напаѓачи што побегнаа по судирот со косовските полицајци на северот на Косово, во кој беа убиени тројца напаѓачи и еден косовски полицаец.
Напаѓачите вчера упаднаа во селото Бањска, се судрија со полицијата и се забарикадираа во српскиот манастир. Полицијата ја презеде контролата врз манастирот по убиството на тројца напаѓачи и еден полицаец.
Вооружени полицајци денеска претресуваа куќи во тоа село за да пронајдат 30-ина напаѓачи кои можеби избегале, изјави полициски извор. Новинарите не може да влезат во селото. Косовските власти подоцна во текот на денот објавија дека веруваат дека некои од напаѓачите побегнале во Србија.
Косовскиот министер за внатрешни работи, Џелал Свецла, изјави дека шестмина повредени членови на вооружената група се хоспитализирани во јужниот српски град Нови Пазар, во близина на границата на северот на Косово.
„Бараме Србија да ги екстрадира тие луѓе на косовските власти што е можно побргу за да може да бидат изведени пред лицето на правдата за нивните терористички акти заедно со другите што побегнаа во Србија“, рече Свецла за новинарите. Српската влада не одговори на барањето за коментар.
Косовската полиција на новинарите во Митровица им покажа 20-ина теренци и оклопен транспортер што го користеле напаѓачите. Три возила го имаа логото на КФОР. Полицијата исто така покажа запленето оружје и муниција, вклучително и автомати на поранешната југословенска армија, митралези, снајпери, гранати, противтенковски ракетни фрлачи, рачни гранати, мини и беспилотни летала.
„По вчера, ништо не може да биде повторно исто“, рече косовскиот премиер Аљбин Курти на церемонијата во чест на загинатиот косовски полицаец.
Српскиот претседател Александар Вучиќ ги негира обвинувањата на Курти дека Белград го организирал нападот. Тој го обвини Курти за поттикнување насилство преку блокирање на формирањето заедница на српски општини на Косово, што беше одобрено од претходната косовска влада во 2013 година, и со честите полициски рации на северот на Косово.
Курти тврди дека давањето значителна автономија на Србите во северно Косово, всушност, би го поделило Косово по етнички линии.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Општа тепачка на свадба во Србија: гостинка ја удри невестата, возврати младоженецот

Свадбена прослава во Горњи Милановац се претвори во вистинска драма кога избувна масовна тепачка меѓу гостите.
Според порталот „192.рс“, инцидентот почнал кога гостинка на свадбата, од причини што засега се непознати, физички ја нападнала невестата и ја удрила.
Потоа реагирал младоженецот обидувајќи се да ја заштити својата сопруга, а конфликтот набргу се проширил и на другите гости.
View this post on Instagram
Според снимката, во салата владеел целосен хаос, а некои од присутните се обидувале да ја смират ситуацијата.
фото: принтскрин
Регион
Дојава за бомба на имотот на Милорад Додик

Утрово, во Бања Лука е примена пријава за поставена бомба на имотот на Милорад Додик, поранешниот претседател на Република Српска.
Според Радио Сараево, полицијата веднаш излегла на местото на настанот и спроведува контрадиверзиска инспекција на имотот.
Претходно наутро, примена е и пријава за бомба во хотелот „Палас“ во Бања Лука. Министерството за внатрешни работи на РС извршило увид и утврдило дека станува збор за лажна пријава.
фото: принтскрин
Регион
Вучиќ: Успеавме да ги одложиме санкциите на САД врз српската нафтена индустрија

Српскиот претседател Александар Вучиќ денес изјави дека САД го одложиле воведувањето санкции против Нафтената индустрија на Србија (НИС) за осум дена со цел, како што рече, „за да покажат почит кон Србија“.
„Им благодарам, сакаа да покажат почит, да ни кажат дека нè слушаат и ја разбираат нашата позиција. Благодарам за тоа, но дали добивме нешто суштинско? За седум дена, ќе го имаме истото прашање, а јас сè уште нема да го имам одговорот“, рече Вучиќ во Обреновац, каде што учествуваше на граѓанскиот марш против блокадите.
Тој додаде дека ќе има реакција од Србија и од самата НИС и кон американската страна и кон другите партнери кога станува збор за нови понуди.
„Верувам дека ова е добро, но дали ќе биде доволно и дали ова е она што го сакаат Американците – ќе видиме“, рече Вучиќ.
Санкциите на САД против НИС требаше да стапат во сила на 1 октомври, но рокот сега е одложен барем до 9 октомври.
фото: принтскрин