Регион
Курти: Мафијата е единствен сектор кој е целосно интегриран во Западен Балкан

Мафијата на Западен Балкан е единствен сектор кој е интегриран во целост, изјави косовскиот премиер, Албин Курти, за време на Конференцијата за безбедност во Минхен.
Курти за време на учеството на панелот „Изградба на општествена стабилност во европското соседство“, а на кого ова му е прво учество на некој меѓународен собир по изборите за премиер на Косово, истакна дека на Западен Балкан му е потребно најпознати лица да бидат обвинители.
„Мафијата е единствениот сектор целосно интегриран на Балканот. Тоа што ни треба е обвинителите да бидат најпознати лица, а не премиери или министри за надворешни работи“, нагласил Курти.
Курти на пат кон Минхен направи преседан, на аеродромот во Приштина не влезе во ВИП-секторот, туку стоеше во ред за пасошка контрола и помина како и сите други патници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Млад човек се удави во Улцињ: трагедија во Црна Гора

Млад човек се удави во Улцињ денеска, во попладневните часови, јавуваат медиумите во регионот.
Според написите, давењето се случило на „Големата плажа“.
Засега нема информации за идентитетот на загинатиот.
Според последните извештаи било подигнато црвено знаме бидејќи имало големи бранови во морето.
Регион
Србија им препорачува на граѓаните да не патуваат во Хрватска на почетокот на август

Министерството за надворешни работи на Србија им препорача на граѓаните на Србија да се воздржат од патување во Хрватска во периодот од 1 до 10 август.
Во соопштението Министерството им советува на граѓаните што ќе бидат на територијата на Хрватска во тој период да избегнуваат собири и други јавни собири, кои може да носат ризик од инцидентни ситуации.
Во тој период – на 5 август, Хрватска ја одбележува годишнината од воено-полициската операција „Бура“. Прославата се одржува на денот кога завршила акцијата. Во Србија годишнината од „Бура“ е на 4 август, денот кога почнала, како ден на сеќавање на жртвите и протераните Срби.
Регион
(Видео) Турист падна во базен откога му се откопча падобранот за време на парасејлинг во Црна Гора

Турист доживеа опасен инцидент за време на парасејлинг во Бечичи, откако поради силен ветер му се откопча падобранот.
Снимка од инцидентот кој можел да заврши трагично беше објавена на популарната страница Подгорички времеплов, со опис:
„Туристот имал многу среќа што поминал без повреди. Имено, станува збор за странски државјанин кој во Бечичи останал неповреден кога поради силен ветер се откопчал падобранот што го влечел глисер. Туристот паднал во базен. Станува збор за адреналинскиот спорт парасејлинг.“
View this post on Instagram
Полицијата, според досегашните информации, не добила пријава за овој инцидент.