Регион
Курти: Одам во Брисел само за конечен договор за нормализација

Косовскиот премиер Албин Курти ги информирал членовите на владата за напредокот на дијалогот со Србија, разговорите за регистарските таблички, истакнувајќи дека потпретседателот Бесник Бислими е во Брисел, па „можеби во рок од 48 часа ќе се одржи средба каде ќе се постигне договор“, пренесува РТК 2.
Тој рече дека оди во Брисел само за конечниот договор за нормализација, со заемно признавање.
Курти рече дека досега се издадени речиси 2.000 опомени, во кои се вели дека никој не ужива да биде казнет, но земјата има свој Устав и закон.
Како што јави РТК, Курти ги информирал членовите на кабинетот за разговорите со претседателот на Србија и со претставникот на ЕУ за надворешна политика и безбедност, Жозеп Борел, на кои не е постигнат договор за табличките.
Според него, поканата на Борел пристигнала во петокот, заедно со придружниот текст со четири параграфи, кои на крајот требало да бидат објавени како соопштение за медиумите.
Курти посочи дека предуслов за регистарските таблички е само суспендирање на активностите на Владата на Косово, а не забрана за издавање таблички, што требало да биде обврска на Србија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Референдум на 25 октомври во Република Српска за одлуките против Милорад Додик

Народното собрание на Република Српска синоќа на вонредна седница донесе одлука на 25 октомври да се одржи референдум во врска со пресудата на Судот на Босна и Херцеговина против Милорад Додик и одлуката на Централната изборна комисија да му се одземе претседателскиот мандат.
Претседателот на парламентот, Ненад Стевандиќ, информира дека од вкупно 65 пратеници присутни на седницата, 50 гласале „за“ организирање на референдумот, додека пратениците од опозицијата кои беа во салата одбија да гласаат.
Милорад Додик, кој повеќе од една деценија ја предводи Република Српска, во февруари беше осуден од Судот на БиХ за непочитување на одлуките на високиот претставник на меѓународната заедница. Судот му забрани да извршува јавни функции, а на 6 август Централната изборна комисија официјално му го прекина претседателскиот мандат, што отвори постапка за распишување предвремени избори.
По оваа одлука, Додик најави дека единствен начин да се изрази ставот на граѓаните е преку референдум. На гласањето во октомври, жителите на Република Српска ќе треба да одговорат дали ги прифаќаат одлуките на високиот претставник, пресудите на Судот на БиХ и решението на Централната изборна комисија за прекинување на неговиот мандат.
Регион
Црна Гора во железнички хаос, штрајкот на диспечерите го блокираше сообраќајот

Железничкиот сообраќај во Црна Гора е целосно во прекин поради штрајк на диспечерите на возови, кои бараат зголемување на платите. Прекинот започна вчера, кога меѓународниот воз од Белград пристигна на перонот во Подгорица, но остана таму без да продолжи. Патниците беа префрлени во автобуси, додека најголем проблем се создаде за оние чии автомобили останаа во вагоните.
Од Железничката инфраструктура на Црна Гора (ЖИЦГ) реагираа остро, нарекувајќи го штрајкот „саботажа“ и најавија кривична одговорност за дел од учесниците.
„Подготвени сме за дијалог со работниците, но не и за уцени“, соопшти раководството, додавајќи дека преговори за повисоки плати веќе се водат со репрезентативните синдикати.
Министерството за транспорт на Црна Гора исто така изрази загриженост, особено поради информациите дека одредени малцински акционери стојат зад организацијата на штрајкот.
„Очекуваме надлежните органи, пред сè Државното обвинителство, да ги истражат сите наводи и да утврдат кој е одговорен за настанот и за материјалната штета што е предизвикана“, стои во соопштението од министерството.
Во меѓувреме, патниците остануваат во неизвесност, а железничкиот сообраќај е блокиран сè додека не се најде решение меѓу управата и диспечерите.
Регион
Додик: Ќе се повлечам од политиката 10 години под еден услов

Милорад Додик, на кој Централната изборна комисија на Босна и Херцеговина му го одзеде мандатот како претседател на Република Српска врз основа на конечна пресуда на Судот на Босна и Херцеговина, понуди да се повлече од функцијата во парламентот на РС на десет години под услов претставниците да ја поддржат одлуката за распишување на претседателските избори од страна на ентитетската изборна комисија, а не од Централната изборна комисија.
„Предлагам претседателот на ентитетската изборна комисија да биде од СДС или ПДП. Но, вие нема да го направите тоа. Вие сакате Централната изборна комисија да ги брои гласовите“, рече Додик.
Тој тврди дека Централната изборна комисија нема овластување да распишува предвремени избори или да му го одземе мандатот: „Централната изборна комисија не може да распишува избори, тоа може да го направи само ентитетската изборна комисија. Нема да добиете нов претседател ако Централната изборна комисија распише избори“, рече Додик.
Тој ја отфрли пресудата на Судот на Босна и Херцеговина, тврдејќи дека станува збор за политички прогон поради неговото противење на префрлањето на државниот имот на ниво на Босна и Херцеговина. Тој ја обвини меѓународната заедница и дел од бошњачката политичка елита дека го оспоруваат Уставот на РС, а опозицијата дека работи против интересите на ентитетот.
Тој уште еднаш го оспори легитимитетот на високиот претставник во Босна и Херцеговина, Кристијан Шмит, и неговите таканаречени бонски овластувања, врз основа на кои беше осуден. „Ние го внесовме нашиот суверенитет во Босна и Херцеговина, имавме своја држава. Милорад Додик не е РС, но Додик е претседател на РС“, рече Додик, нарекувајќи го Дејтонскиот договор „измама за српскиот народ“.
фото: принтскрин