Европа
Курти: Русија може да се обиде да го прошири конфликтот преку своите посредници на Балканот
Во изјава за Си-ен-ен, косовскиот премиер Албин Курти рече дека Србија сака европски пари, руско оружје, кинески инвестиции и американска толеранција и дека не е толку неутрална како што се претставува.
– Но Србија не е неутрална. Србија е на страната на Руската Федерација и затоа мора да бидеме внимателни – предупреди Курти.
Тој повторно зборуваше за српските бази, наведувајќи дека во близина на Косово се стационирани вкупно 42.
Тој подвлече дека Косово мора да биде многу внимателно бидејќи Србија „може да ја игра улогата на застапник на Руската Федерација на Западен Балкан“.
„Руското Министерство за одбрана има посебна канцеларија во рамките на Министерството за одбрана на Србија. Сега кога рускиот „блицкриг“ во Украина пропаѓа, ние сме загрижени дека тие може да се обидат да го прошират конфликтот и дека Западен Балкан би можел да биде ново руско бојно поле преку нивните посредници – Србија или Република Српска“ – рече Курти.
Курти рече дека Приштина не се плаши и оти Косово го зголемило буџетот за одбрана за 52 отсто. Тој изјави и дека т.н. хибридна војна и повтори дека Рускиот хуманитарен центар, кој е доста блиску до Приштина, е стациониран во Ниш.
„Хибридната војна не е замена за војната, туку само нејзина подготвителна фаза“ – додаде косовскиот премиер, повторно наведувајќи дека Приштина е загрижена и претпазлива, но не и исплашена, а и затоа што партнери на Косово се САД, Велика Британија, Франција и Германија.
Курти рече дека е свесен дека НАТО значи безбедност за сите членки на алијансата.
„Косово сè уште не е во НАТО, но НАТО е во Косово“ – рече тој.
Тој изјави дека Русија извршила воени злосторства во Украина и дека на рускиот претседател Владимир Путин порано или подоцна треба да му се суди пред Меѓународниот суд на правдата.
Курти го искористи и интервјуто за Си-ен-ен за да повтори дека српските сили – полиција, војска и паравоени формации „извршиле геноцид врз Албанците“ пред 23 години.
„Тогаш од Косово беа протерани 860.000 Албанци, повеќе од 80 отсто од населението беше протерано од своите домови, имаме 20.000 жени и девојки кои беа силувани, повеќе од 12.000 невооружени цивили беа убиени и 120.000 куќи беа уништени или запалени“ – тврди косовскиот премиер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.