Регион
Курти тврди: Ги исполнивме условите за членство во Советот на Европа, приемот почна
Косовскиот премиер Аљбин Курти изјави дека ги исполниле условите за членство во Советот на Европа и дека суштинската фаза од процесот на прием е веќе почната.
„Денеска заедно го отвораме првиот состанок на координативната група за членство на Косово во Советот на Европа. Косово, изградено на вредностите на Советот на Европа, природно има свое место во оваа организација“, изјави Курти.
„Косово ги исполни и законските барања и стандардите… Сега кога процесот помина во парламентот, слободно можеме да кажеме дека почнува суштинската фаза на процесот“, рече Курти на состанокот на меѓуинституционалната работна група.
Министерката за надворешни работи, Доника Грвала, изјави дека Приштина требало да влезе во Советот уште пред многу години.
„Сега, кога помина првата фаза, сè ќе зависи од добрата координација на оваа група… Темпото на членство во Советот на Европа ќе зависи и од вашата координација… Косово требаше да влезе во Советот на Европа пред многу години“, нагласи Гервала, а пренесуваат медиумите во Приштина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Таткото на осомничениот за убиството на Данка Илиќ излегува на слобода
Радослав Драгијевиќ (70), татко на Дејан Драгијевиќ (50), кој заедно со неговиот колега Срѓан Јанковиќ (50) е осомничен за убиството на двегодишната Данка Илиќ од Бор, двомесечниот притвор во кој беше задржан за кривичното дело помагање на сторителот завршува на 29 мај по стореното кривично дело, а на крајот на мај ќе биде пуштен на слобода, објави српски „Блиц“.
Како што изјавиле за „Блиц“ од Вишото јавно обвинителство Заечар, за ова кривично дело нема законска можност за продолжување на притворот, а се очекува Радослав Драгијевиќ да биде ослободен на 29 мај.
Од обвинителството известиле дека ќе предложат и продолжување на притворот за главните осомничени Дејан Драгијевиќ и Срѓан Јанковиќ.
Данка Илиќ беше убиена на 26 март годинава. За тоа дело се осомничени Дејан Драгијевиќ од Злот и Срѓан Јанковиќ од Лука, двајцата работници на ЈКП „Водовод“ Бор, кои се во притвор.
Во полиција беше приведен и братот на Дејан, Далибор Драгијевиќ, кој почина во полициската станица во Бор.
Регион
Заврши вештачењето на осомничените за убиството на Данка Илиќ, прогласени се за пресметливи
Дејан Драгијевиќ и Срѓан Јанковиќ, кои се осомничени за убиството на Данка Илиќ (2), по психијатрискиот преглед во Специјалната затворска болница во Белград, се прогласени за пресметливи.
Драгијевиќ и Јанковиќ во април беа испратени во Специјалната затворска болница во Белград на психијатриско вештачење, а денеска од Вишото јавно обвинителство Зажечар за „Нова.рс“ потврдија дека осомничените врз основа на наодите на вештачењето се прогласени за пресметливи.
Според досега добиените резултати од вештачењето на ДНК во Вишото јавно обвинителство во Заечар, од девојчето Данка Илиќ нема биолошки траги.
Сè уште трае и вештачењето на движењето на возилото на осомничениот врз основа на ГПС-уредот.
Регион
Поставен рекорд во центарот на Белград: 1.000 гитаристи свиреа истовремено
Концертот на „Guitar Art“ денеска собра 1.000 гитаристи на плоштад во Белград, кои поставија национален рекорд во присуство на инструменталисти кои свират на гитара и слични инструменти, пренесе српска „Политика“.
Концертот „1.000 гитари“ ги привлече пред се во центарот на Белград најмладите гитаристи и нивните учители, но заедно свиреа цели семејства, составени од три генерации: дедо, татко и син…
Имаше мајки и ќерки кои „замавнаа“ со белградскиот блуз квартет и специјалните гости на концертот, меѓу кои Дејан Цукиќ, Ју групата, Кики Лесендриќ и Пилотите, Срѓан Гојковиќ Гиле, Бојана Стаменов, Никола Чутурило – Чутура. „Ова е конечно моментот кога барем на еден час ги заменуваме силиконите за витамини на ’Трг Републике’. Ова е сеќавање на мојата младост и почетоци во рокенролот. Среќен сум“, изјави Никола Чутурило Чутура за Танјуг.
За неколку минути неколку илјади љубопитни луѓе се собраа на плоштадот да уживаат во првокласен музички настан.