Регион
Лајчак: Имаме работа со две реалности, Вучиќ и Курти знаат што се очекува од нив
Специјалниот претставник на ЕУ за дијалог меѓу Белград и Приштина, Мирослав Лајчак изјави дека српскиот претседател Александар Вучиќ и косовскиот премиер Албин Курти знаат што се очекува од нив пред средбата во понеделник на 27 февруари во Брисел.
Лајчак во интервју за порталот „Павловиќ тудеј“ нагласи дека САД силно го поддржуваат европскиот предлог за нормализација на односите меѓу Белград и Приштина.
„Имав неколку средби со двајцата лидери одделно. Секако дека детално се запознаени со предлогот. „Минатиот викенд, за време на Минхенската безбедносна конференција, тие одделно се сретнаа со високиот претставник Борел, германскиот канцелар Шолц и францускиот претседател Макрон“, рече Лајчак.
„Тие многу јасно слушнаа што се очекува, што очекува Европската унија од нив. Го имаме предлогот, а потоа следува делот за имплементација. Рековме дека очекуваме предлогот да биде усвоен и очекуваме да бидеме ангажирани во делот за спроведување, врз основа на предлогот што го презентиравме“, најави Лајчак и додаде дека и лидерите биле поканети да дадат реални и конструктивни предлози за овој дел на документот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.