Регион
„Ме истепа оти храната не му била вкусна“ – објавен исказот од Низама која беше брутално убиена во Градачац

Oбјавен е исказот што пред полицијата го дала Низама Хеќимовиќ, пред да биде убиена од нејзиниот насилен партнер, Нермин Сулејмановиќ во Босна и Херцеговина.
Пред убиството, Хеќимовиќ го пријавила Сулејмановиќ дека ја тепал и ја малтретирал.
Во исказот што го објави „Аваз“ жената пријавила дека била претепана на 3 јули околу 19 часот и 30 минути во семејната куќа на Нермин Сулејмановиќ поради тоа што храната не му се допаднала.
Хеќимовиќ кусо потоа побарала да му се забрани на Сулејмановиќ да и се приближува.
„Како невенчана сопруга сакам да го искористам законот. Не сакам да давам изјава за настанот што го пријавив на 4 јули, но сакам на мојот невенчан сопруг да му се забрани да ми приоѓа, малтретира, а ситуацијата околу нашето дете ја разрешува надлежната институција. Јас повеќе не сакам да живеам со Нермин Сулејмановиќ, излегов од неговата куќа со моето дете и имајќи предвид дека Нермин е насилна личност. Тој се закани дека ќе ме најде каде и да сум“.
Нермин Сулејмановиќ во петокот на 11 август изврши масакар убивајќи ја Низама, по што усмрти уште две лица и на крајот се самоуби.
Со решение на судот во Градачац, за Нермин Сулејмановиќ не беше изречена забрана за приближување. Еден месец подоцна дошол во куќата во која била Низама и брутално ја убил и сè снимил на Инстаграм.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Фото) Поскапо отколку на Ибица: лежалка на Јадранското море чини 1.300 евра на ден

Цените во хрватските туристички центри се зголемуваат од година во година, а се чини дека оваа сезона трката за профит започна порано од кога било. Од кафе кое чини пет евра, лежалки кои се изнајмуваат поскапо од ноќевање во соба, до порции риба кои достигнуваат цени како и во луксузните ресторани во европските метрополи – сето ова веќе ги загрижува и домашните и странските гости на Јадранското Море, пишува Блиц.
Едно е сигурно – сезоната сè уште не е ни започната, а за цените се зборува како да сме веќе во средината на август. Ова го потврдува и последната објава на Reddit, каде што еден корисник објави фотографија од ценовник од кафуле на плажа во Сплит.
„Можеби ценовникот е поставен на 100 метри од барот на плажата, но барот е во сенка (Жњан, Сплит)“, напиша тој во објавата со фотографијата и додаде: „Добредојдовте на Ибица“, алудирајќи на високите цени.
Цената за изнајмување лежалки се движи од 35 до 1.300 евра!
Možda je cjenik stavljen 100m dalje od beach bara, ali je bar u ladovini (Žnjan, Split)
byu/MantisTobogan_dr incroatia
Во коментарите, корисник ги спореди цените во популарно одморалиште во Шпанија, Ибица и Сплит. Според податоците од веб-страницата Numbeo, Сплит е поскап, барем кога станува збор за туристичките објекти. Авторот на објавата одговори на тоа:
„О, ужас! Сè уште му се потсмевам, а дури е поскап од Ибица“.
Многумина се прашуваат каков туристички бран нè очекува кога, веќе во предсезоната, цените на сместувањето, кафето или порциите лигњи достигнаа нивоа што до вчера беа резервирани за најскапите европски дестинации.
Регион
Силен земјотрес ја погоди Света Гора, почувствуван на Халкидики и во Солун

Земјотрес со магнитуда од 5,3 степени е регистриран попладнево во морската област на Света Гора.
Според Геодинамичкиот институт и Сеизмолошката станица на Универзитетот „Аристотел“ во Солун, епицентарот на потресот бил на 7 километри западно од Кареја, на длабочина од 12,5 километри.
Како што јавуваат грчките медиуми, силниот земјотрес го потресе целиот регион Халкидики, како и градот Солун. Бил почувствуван и на крајбрежните области на Кавала и Тасос.
Регион
Уште еден силен земјотрес ја погоди Грција

Земјотрес со јачина од 4,6 степени според Рихтеровата скала беше регистриран во четврток, 5 јуни, во 07:18 часот во Егејското Море, Грција.
Земјотресот беше регистриран на 30 километри од Мирина.
#Earthquake (#σεισμός) confirmed by seismic data.⚠Preliminary info: M4.6 || 30 km NW of #Mýrina (#Greece) || 3 min ago (local time 08:18:38). Follow the thread for the updates👇 pic.twitter.com/4qdLSErCCL
— EMSC (@LastQuake) June 5, 2025
Хипоцентарот на земјотресот, според Европско-медитеранскиот сеизмолошки центар, се наоѓа на длабочина од приближно 11 километри под површината на земјата.
Засега нема извештаи за материјална штета или повредени, а надлежните служби ја следат ситуацијата.