Регион
„Најважно е да ги провериме луѓето од видеото“ – српскиот амбасадор во Австрија вели дека властите од двете земји се во контакт
Амбасадорот на Србија во Австрија, Марко Благојевиќ изјави дека Амбасадата е во контакт со надлежните служби на Србија и Австрија и прави се’ што е можно побрзо да се најдат лицата од видеото снимено од српски државјанин во Виена и да утврди дали во нив навистина била двегодишната Данка Илиќ, која исчезна пред шест дена во Бор.
„На социјалните мрежи објавивме апел до секој кој има каква било информација да не контактира, австриската полиција или Министерството за внатрешни работи на Србија. Достапни сме 24 часа, на телефонската линија и во Амбасадата, во врска со сите можни информации кои би го потврдиле идентитетот на исчезнатото девојче“, изјави Благојевиќ за „Косово онлајн“.
Тој посочува дека постапуваат во координација со надлежните служби во Србија и Австрија кои се занимаваат со овој случај.
Како што вели, сега е најважно да се провери кои се луѓето од видеото, за да се утврди дали девојчето кое било со нив е всушност малата Данка.
Амбасадата ги известила и српските клубови и здруженија во Австрија, за да се посвети дополнително внимание.
Криминалистичката служба на Виена претходно денеска покрена истрага за случајот со исчезнувањето на Данка Илиќ од Бор, која наводно била видена во главниот град на Австрија, потврдија од управата на виенската полиција за дописникот на „Косово онлајн“.
Нова трага во истрагата за исчезнатата Данка Илиќ се појави утрово во три и пол часот по полноќ, кога полицијата добила информација дека девојчето е видено во Виена во придружба на двајца романски државјани.
„Граѓанинот на Србија, кој е сведок на видеото, дал изјава и снимката што сам ја направил е обезбедена. Мажот за случајот дознал преку социјалните мрежи. Точните околности, особено дали се работи за исчезнато девојче, се предмет на истрага која е во тек“, изјави портпаролот на виенската полиција, Маркус Дитрих.
„Околу 20 часот излегов од метро станицата и видов како дете бега и вреска. Прво набљудував, а потоа почнав да снимам. Сè се случи на една трамвајска станица. Со детето имаше две жени кои меѓусебно разговараа на романски. Го викаа детето со некое име, не разбрав кое, но девојчето воопшто не одговори“ вели во мејлот Србинот од Виена, кој потоа испратил и видео од детето до полицијата во Белград.
Многумина забележале дека на видеото, кое наводно е снимено на станица во Виена, се гледа како две возрасни жени го следат девојчето, но без да покажат никаква емоција или интимност кон неа.
Откако беше објавено видеото на девојчето од Виена, за кое се претпоставува дека е исчезнатата Данка Илиќ (2) од Бањско Поље, јавноста е вознемирена и полна со различни мислења за сличностите и разликите помеѓу девојчето од видеото и малата Данка, пишува „Блиц“.
Во меѓувреме, Интерпол распиша жолта потерница (потерница за исчезнати лица) за исчезнатата Данка, каде што се посочува дека таа во моментот на исчезнувањето носела виолетови панталони, маслинесто зелена јакна и косата и била врзана во опавче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.
Регион
Почина мајката на осомничениот убиец на малата Данка
Во Злот денеска починала Светлана Драгичевиќ, мајката на Дејан Драгичевиќ ненадејно починала, осомничениот за убиството на малата Данка Илиќ, неофицијално дознава порталот Нова.рс.
Светлана во април го погреба својот син Далибор, кој беше осомничен дека го криел телото на малата Данка, а почина во полицијата на Бор на распит, поради што Секторот за внатрешна контрола (СУК) го истражува случајот.
Светлана даде изјава дека не знае ништо за убиството на малата Данка и доби статус на привилегиран сведок.
Дејан Драгичевиќ и Срѓан Јанковиќ се осомничени дека со автомобил го удриле девојчето, по што ја внеле во автомобил и се упатиле на непозната локација. Телото на девојчето сѐ уште не е пронајдено.
Тие се во притвор, како и таткото на Д.Д., кој е осомничен дека помогнал да се премести телото на девојчето од една на друга локација.
Обвинителството претходно соопшти дека Дејан Драгичевиќ го признал делото, додека Јанковиќ се бранел молчејќи.
Регион
Српските медиуми: Вучиќ и Орбан планираат посета на премиерот на Словачка кој денес беше застрелан
Српскиот претседател Александар Вучиќ и унгарскиот премиер Виктор Орбан во следните денови ќе го посетат словачкиот премиер Роберт Фицо, кон којшто денес беше пукано, дознава „Еуроњуз Србија“, а веста ја пренесоа и неколку други српски медиуми.
Вучиќ денеска веднаш по објавувањето на веста реагираше на социјалната мрежа „Икс“.
„Шокиран сум од атентатот на Роберт Фицо, голем пријател на Србија и мој лично. Драг пријателе, се молам за тебе и за твоето здравје“, напиша Вучиќ.
Премиерот Роберт Фицо беше застрелан по состанокот на владата, на околу 150 километри североисточно од Братислава. Атентатот се случил кога Фицо отишол меѓу насобраниот народ. Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница во Братислава, каде лекарите се борат за неговиот живот.
Напаѓачот е уапсен на лице место.