Регион
Опозициските градоначалници на Истанбул и Анкара прогласија победа, Ердоган го призна поразот
Актуелните опозициски градоначалници на Истанбул и Анкара прогласија победа на локалните избори, што значи дека партијата на турскиот претседател губи во двата најголеми града во земјата.
Градоначалникот на Истанбул, Екрем Имамоглу, кандидат на главната турска опозициска Републиканска народна партија, прогласи победа, велејќи дека води со повеќе од еден милион гласови по преброените 96 отсто од гласачките ливчиња.
Градоначалникот на Анкара, Мансур Јавас, исто така од Републиканската народна партија, прогласи победа во тој град.
„Изборите завршија, ние продолжуваме да им служиме на Анкара и нејзините шест милиони жители без дискриминација“, вети тој.
АФП пренесува дека турската опозиција е на пат да извојува голема победа во целата земја.
По пребројани 79 отсто од гласовите, пишува агенцијата, Имамоглу има 50,5 отсто, додека неговиот главен противник од владејачката Партија на правдата и развојот (АКП) има 40,7 отсто.
Гласачите одлучија да го променат ликот на Турција, рече лидерот на Републиканската народна партија, Озгур Озел.
Турскиот претседател Реџеп Таип Ердоган рече дека локалните избори во Турција биле завршени на „начин што доликува на демократијата“, опишувајќи ја демократијата и националната волја како победник на изборите.
„31 март не е крај за нас, туку пресвртница. На изборите за локалните власти турскиот народ уште еднаш ја искористи гласачката кутија како можност да ги пренесе своите пораки до политичарите“, рече Ердоган во своето обраќање до граѓаните.
„Без разлика на резултатите, победник на овие избори е пред се нашата демократија, националната волја“, рече тој.
Ердоган, кој беше на власт повеќе од две децении, беше ангажиран во кампањата, особено во Истанбул – економскиот и културниот центар на земјата, чиј градоначалник беше во 1990-тите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Земјотрес со јачина од 4,7 степени во Хрватска, почувствуван и во БиХ
Земјотрес со јачина од 4,7 степени според Рихтеровата скала утрово во 05:38 часот е регистриран во Хрватска, објави Европскиот медитерански сеизмолошки центар (ЕМСЦ).
Според информациите од Европскиот медитерански сеизмолошки центар, земјотресот бил на 92 километри јужно од главниот град Загреб и на 14 километри од границата со Босна и Херцеговина, кај Тржачка Раштела.
Земјотресот бил на длабочина од 10 километри.
Земјотресот најмногу бил почувствуван во централна Хрватска и во дел од Босна и Херцеговина со интензитет од V-VI степени според Европската макросеизмичка скала.
Засега нема извештаи за повредени лица или за предизвикана материјална штета.
Регион
На таткото на момчето убиец од Србија му е продолжен притворот за уште 60 дена, има сомнение дека може да го повтори делото
Вишиот суд во Белград му го продолжи притворот за уште 60 дена на Владимир Кечмановиќ, таткото на момчето кое на 3 мај уби девет негови врсници и чувар во ОУ „Владислав Рибникар“.
На Владимир Кецмановиќ му е продолжен притворот поради сомнение дека доколку биде пуштен на слобода за краток временски период ќе го повтори кривичното дело, како и поради тоа што постои основано сомнение дека сторил кривично дело за кое е пропишана затворска казна над десет години, а начинот на извршување и сериозноста на последиците од кривичното дело доведоа до вознемиреност кај јавноста што може да го загрози непреченото и правично водење на кривичната постапка, соопштија од тој суд.
Во обвинението за тешко кривично дело против општата безбедност се товари Владимир К., а за сторено кривично дело недозволено изработување, држење, носење и тргување со оружје и распрскувачки материи, мајката на момчето Миљана К.
Регион
„Мислев дека регалот ќе падне врз мене“ – жена од Србија сведочи за силниот земјотрес
Земјотресот беше многу силен. Кратко, но силно, вели вознемирената Мила Петровиќ од Кладово – место кое утрово го погоди силен земјотрес.
Како што опишува преплашената жена, земјотресот ја исплашил и неа, но и останатите жители на Кладово.
„Мислев дека регалот ќе падне врз мене. Немаше време за бегство никаде. Сè се тресеше многу. За среќа, тоа беше кратко. Кога се смири, сите излегоа на улица“, раскажува таа за Телеграф.рс.
Земјотресот бил со јачина од 4,3 степени според Рихтеровата скала, на длабочина од 11 километри.
Колку бил силен, сведочи и фактот што бил почувствуван во Заечар, Неготин, Доњи Милановац, Бор и други градови на истокот на Србија, а некои граѓани го почувствувале и во Ниш.
„Почувствував земјотрес, се тресеше мебелот во куќата“, „Бев во кревет кога почна тресењето“, напишаа граѓаните.