Двајца странски државјани се уапсени во вторникот на меѓународниот аеродром „Ататурк“ во Истанбул во рамките на истрагата за нападот во ноќниот клуб „Reina“ во новогодишната ноќ за кој одговорноста ја презема џихадистичката држава Исламска држава.

Двете лица, чиешто државјанство не се наведува, уапсени се на влегувањето на меѓународниот терминал за заминување и одведени се на испитување, наведува агенцијата Dogan.

Според сознанијата на агенцијата Reuters, еден од осомничените можно е да минал обука во камп на џихадситичката групација во Сирија, која претходно ја презема одговорноста за нападот. „Напаѓачот веројатно имал борбено искуство. Можно е неколку години тој се борел на сириското боиште“, изјавил соговорникот на агенцијата.

Со овие денешни апсења, вкупно 16 лица се притворени во рамките на истрагата за атентатот за кој е осомничен 28-годишниот Киргиз Лакхе Маршапов за кој се вели дека е во бегство, чии фотографии и снимки беа објавени.

Турските медиуми пишуваат дека истрагата верува оти напаѓачот кој уби 39 луѓе во клубот, повеќето странци, е државјанин на земја од централна Азија, кој во Турција влегол од Сирија и оти е поврзан си ќелијата која го изведен тројниот самоубиствен напад на аеродромот „Ататурк“ во јуни 2016 година кога беа убиени 47 луѓе./крај/мф/сн