Регион
На осомничениот за масовно убиство во селата кај Младеновац и Смедерево му се забранува да располага со својот имот

Судијата за претходна постапка на Вишиот суд во Смедерево донесе повеќе решенија со кои на осомничениот за масовно убиство во околината на Младеновац Урош Блажиќ, неговиот татко Радиша Блажиќ и вујко Горан Гавриловиќ им се забранува да располагаат со својот имот, поточно патнички моторни возила во нивна сопственост, како и сметки на банкарски средства.
„Адвокатите на повреденото семејство Паниќ од Дубона, чии две деца загинаа – синот Милан и ќерката Кристина, преземаат и други активности со цел да се соберат податоци за имотот на осомничените и да се достават соодветни предлози до судот за расветлување на сите релевантни факти и околности во оваа кривична постапка“, се вели во соопштението на адвокатите, пренесува Н1.
Урош Блажиќ изврши масовно убиство во селата кај Младеновац, само еден ден по пукањето во основното училиште „Владислав Рибникар“ во Белград.
Блажиќ започнал да пука во населеното место Мало Орашје, а потоа се упатил кон Дубона. По масакрот побегнал, а потрагата по него траеше до раните утрински часови, кога беше пронајден на 50 километри подалеку, во близина на Крагуевац, каде се сокрил во куќата на роднини.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Ужас во Јагодина: Внук ги заклал бабата и дедото и избегал

Двојно убиство се случило во близина на Јагодина. Според првичните информации М.М. (39) ги заклал бабата Р.Ж. (76) и дедото Р.М. (79) и избегал. Неофицијално, убиството се случило во селото Богава, општина Деспотовац, а телата на сопружниците биле пронајдени рано утрово во семејната куќа.
Полицијата е на местото на настанот и во тек е истрага, а пристигнати се и обвинителот на Вишото јавно обвинителство во Јагодина.
Регион
Шеќеринска: НАТО нема да дозволи безбедносен вакуум во БиХ

Заменичката на генералниот секретар на НАТО, Радмила Шеќеринска, денес изјави дека алијансата нема да дозволи безбедносен вакуум во Босна и Херцеговина, откако српскиот лидер Милорад Додик објави дека ќе побара од Москва да ја прекине воената мисија ЕУФОР во таа земја.
Шеќеринска изјави дека НАТО е „трајно посветен на суверенитетот и територијалниот интегритет на Босна и Херцеговина“.
Таа додаде дека НАТО нема да дозволи дестабилизација во Босна и Херцеговина, соопшти канцеларијата на бошњачкиот член на колективното претседателство на Босна и Херцеговина, Денис Беќировиќ, кој се сретна со претставничката на НАТО.
„Без оглед на исходот од претстојната седница на Советот за безбедност на ООН, НАТО нема да дозволи безбедносен вакуум во Босна и Херцеговина“, рече Шеќеринска.
Регион
Албанска министерка го разреши својот заменик поради непочитување на забраната за пушење

Министерката за внатрешни работи на Албанија, Албана Кочиу, го разреши својот заменик поради непочитување на забраната за пушење во ресторан во САД, објавува „Спутник“.
Таа потврди на социјалните мрежи дека го сторила тоа врз основа на пријавата на албански државјанин кој живее во Њујорк, каде што бил во посета нејзиниот заменик Анди Махила. Како што изјави, тој пушел цигара во ресторанот „што предизвикало немир кај присутните“.
Албана Кочиу е првата жена на чело на полицијата во историјата на Албанија, а во претходната влада беше министерка за здравство.
Фото: принтскрин