Регион
На регионот му е потребно засилено присуство на ЕУ и НАТО, рече Османи во Босна
![](https://makfax.com.mk/wp-content/uploads/2022/04/thumbnail_BO_BH1.jpg)
Министерот за надворешни работи, Бујар Османи, е во прва работна посета на Сараево, каде што оствари средба со заменик-претседателот на Советот на министри и министерка за надворешни работи на Босна и Херцеговина, Бисера Турковиќ.
На средбата, меѓу другото, беше изразено задоволство за високиот степен на пријателски односи меѓу двете држави, досегашната билатерална соработка, како и заложбата за нејзино натамо надградување со нови содржини и динамика во согласност со блискоста на двете земји и граѓани.
На средбата Османи особено се осврна на евро-атлантската перспектива на регионот на Западен Балкан пренесувајќи ја безрезервната поддршка за амбициите на Босна и Херцеговина на тој пат.
„Се надевам дека многу бргу Босна и Херцеговина ќе добие кандидатски статус за членство во Европската Унија за што нашата држава е подготвена да го сподели своето знаење и искуство. Тие е секако важно за граѓаните на земјата, но воедно претставува и интерес за сите земји од регионот“, нагласи Османи.
Османи посочи дека процесот на европска интеграција претставува силен поттик за спроведување на потребните реформи и е најдобриот начин земјите од регионот да ги достигнат европските цивилизациски придобивки.
Во современото безбедносно и геополитичко окружување од клучно значење за стабилноста на регионот е да се обезбеди засилено и кредибилно присуство на Европската Унија и НАТО, што ќе претставува значајна инвестиција во идната безбедносна архитектура на континентот.
Во однос на билатералната соработка беа разменети мислења, предлози и сугестии за конкретни проекти, со посебен акцент на интересот и потребата од засилување на трговската размена, каде што значаен импулс може да даде организирањето бизнис-форуми меѓу економските партнери од двете држави, како и присутноста на деловните субјекти во едната и другата држава. Еден од предизвиците на економската соработка може да биде и заедничкото учеството на компаниите на двете земји на трети пазари.
За време на престојот во Сараево, Османи беше примен и од претседaвачот на Претседателството на Босна и Херцеговина, Шефик Џаферовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Полиција во училиште во Чачак: таткото незадоволен од успехот на ќерката и се заканувал на професорката
![](https://makfax.com.mk/wp-content/uploads/2024/04/Policija-Srbija.jpg)
Во Основното училиште „Драгиша Мишовиќ“ дошло до инцидент кога, според соопштението добиено од оваа образовна институција, родителот на еден од учениците незадоволен од оценките на своето дете влегол во конфликт со наставникот.
„На закажаното интервју со директорката дојдоа родителите на ученичката која поради три недоволни оценки беше упатена да го повтори 6-то одделение. Пред разговорот со директорот, наставникот имал непријатна средба со нејзиниот татко. За време на разговорот во директорската канцеларија, на кој присуствуваа помошникот директор и секретарката, родителите беа многу незадоволни од одлуката на Одделенскиот совет и побараа истата да се повтори за ученичката да добие уште една доволна оценка за таа не мора да го повторува класот“ – се наведува во соопштението на училиштето.
Понатаму додаваат дека разговорот бил многу тежок, бидејќи таткото барал апсолутно внимание додека зборувал и, според него, го „аргументирал“ барањето.
– Таткото продолжи со својот монолог и на сите разумни објаснувања и аргументи дека е незаконско и беспредметно да се повторува Советот на одделението, реагираше со емотивна патетика во однос на односот родител-дете. Незадоволен од ваквото објаснување и од тоа што не смее да зборува сам, тој демонстративно ја напушти средбата. Поради елементи на закани кои биле забележани и од други присутни колеги, била повикана полиција која дошла откако родителот го напуштил училишниот простор“ пренесува „Рину“.
По овој инцидент, кој бил пријавен во полиција, училиштето одржало состанок на Тимот за заштита од дискриминација, насилство, злоупотреба и занемарување. Одржани биле и состаноци на Училишниот сојуз и Училишниот одбор на кои биле донесени одлуки и мерки кои ќе се следат во иднина. За сите мерки биле известени управните органи на училиштето, Синдикатот и Управата на училиштето.
Регион
(Видео) Пожар на Халкидики, засега не се загрозени населените места
![](https://makfax.com.mk/wp-content/uploads/2024/06/rtetsyr.jpg)
Пожарите веќе со денови беснеат низ цела Грција, а како што објави порталот „Прототома“, денеска избувнале пожари на Халкидики и Полигирос. На помош на пожарникарите дошле и хеликоптери.
View this post on Instagram
На терен се вкупно 22 пожарникари, еден хеликоптер и девет возила на итната пожарна служба. Засега пожарот не ги загрозува населените места.
Исто така, голем пожар избувна во близина на Патра на Пелопонез. Нема жртви.
Регион
Се појавија нови сведоци во случајот со Данка Илиќ
![](https://makfax.com.mk/wp-content/uploads/2024/03/danka-ilic-1.jpg)
Во случајот со Данка Илиќ се појавија тројца сведоци, кои ќе бидат сослушани на 5 јули, потврдија од Вишото јавно обвинителство во Заечар.
Тие ќе бидат сослушани во врска со истрагата против Дејан Д. и Срѓан Ј., осомничени за убиството на двегодишната Данка, јавува „Данас.рс“.
Неофицијално, еден од нив е државјанин на Бор, а другите двајца се жители од Брестовачка Бања.
Покрај Дејан Д. и Срѓан Ј., во овој случај за убиството на девојчето осомничен е и таткото на Дејан Д. поради сомнение дека му помогнал на синот да го премести телото на девојчето.