Регион
Непознато лице тешко рани припадник на жандармеријата пред израелската амбасада во Белград
![](https://makfax.com.mk/wp-content/uploads/2023/07/policija-belgrad.jpg)
Непознато лице, чиј идентитет се утврдува, со самострел тешко ранил припадник на жандармеријата кој бил на должност да ја обезбедува израелската амбасада.
Вицепремиерот на Србија и министер за внатрешни работи Ивица Дачиќ го посети повреден припадник на Жандармеријата. Дачиќ претходно изјави дека неидентификувано лице, чиј идентитет се утврдува, денеска околу 11 часот пукал со самострел во припадник на жандармеријата и го ранил во вратот.
Припадникот на жандармеријата М.Ј. (1990) употребил оружје во самоодбрана и го победил напаѓачот, кој од здобиените повреди починал.
„Специјалното обвинителство го презеде случајот, иако идентитетот на лицето не е утврден, но нема сомнеж дека се работи за терористички акт насочен и против државата Србија и против припадниците на Жандармеријата. Дали поединец делувал сам или групно ќе дознаеме наскоро… Превентивно уапсивме други лица кои беа во близина на полицискиот објекти. Некои сомнежи се веќе присутни и има индиции дека се работи за луѓе кои се познати на безбедносните служби и се работи за вахабистичко движење, но тоа не е потврдена информација. Ги зајакнавме сите безбедносни мерки во градот. Напаѓачот имал и нож. Заклучокот е дека станува збор за терористички напад во кој се вклучени лица кои имаат врски со вахабистичкото движење“, рече министерот Дачиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Мајка од Хрватска е уапсена под сомнение дека си го убила новороденчето
![](https://makfax.com.mk/wp-content/uploads/2024/07/1704540630-shutterstock_2186723713-750x499.jpg)
22-годишна млада мајка е уапсена во Хрватска под сомнение дека го убила своето новороденче.
Од државното обвинителство потврдија дека покренале истрага.
Истрагата во саботата ја спровел дежурниот заменик жупански државен обвинител во Жупаниското државно обвинителство во Загреб со инспектори од Полициската управа на Крапина-Загорје. Откако го пронашле телото на бебето, се посомневале дека се работи за кривично дело и продолжиле да го истражуваат случајот за да се утврдат сите околности, пишува „Н1 Загреб“.
Ден подоцна против 22-годишната жена е поднесена кривична пријава со која се товари за тешко убиство на новороденчето.
„Откако била сослушана, против неа било донесено решение за спроведување истрага“, наведува жупаниското државно обвинителство во Загреб.
Тие потоа побарале од судијата на Жупанискиот суд во Загреб да и одреди притвор на 22-годишната жена за да не влијае врз сведоците и да не го повтори делото. Притоа, тие исто така сметале дека за ова кривично дело има особено тешки околности, па затоа и поради таа причина е побаран притвор.
Регион
Трагедија во Грција: британски нуркач се удави додека истражуваше познат потонат брод
![](https://makfax.com.mk/wp-content/uploads/2024/07/potonat-brod-grcija.jpg)
Британски турист трагично загина нуркајќи во близина на познат грчки потонат брод, пишува „Сан“.
33-годишниот маж се удавил додека нуркал кај потонатиот брод „Епаноми“ во Солун поради немирно море, јавуваат локалните медиуми.
Нуркачот влегол во неволја во неделата попладне поради лошото време.
Официјален претставник на крајбрежната стража изјавил дека кога пливал, времето се променило и почнало да врне.
„Веднаш се испратени чамец за спасување и брза помош, но додека пристигнале, тој бил извлечен од водата без свест“, вели службеникот.
Тој изјавил дека од водата го извлекол храбар пливач.
Службеникот додаде дека Капетанијата на пристаништето Миханион ја истражува несреќата и дека ќе биде извршена обдукција.
Трагедијата го зголеми бројот на загинати туристи во Грција на 9 од почетокот на јуни откога минатиот петок во Спецес беше откриено телото на британскиот морнар.
Регион
Грција: Пожари на островите Хиос и Кос во источниот дел на Егејското Море
![](https://makfax.com.mk/wp-content/uploads/2024/07/hjk.jpg)
Грчките пожарникари биле алармирани да ги локализираат пожарите што денеска избувнаа на островите Хиос и Кос во источниот дел на Егејското Море.
Грчките служби за итни случаи издадоа наредби за евакуација на жителите од областа Метохи во западен Хиос повикувајќи ги да се упатат кон блиската плажа, пренесува АП.
Малку појужно, на островот Кос, противпожарната служба соопшти дека 20 пожарникари, хеликоптер и доброволци се борат со пожарот што избувна во централниот дел на островот.